உதவி இயக்குனராக தன் திரைப்பயணத்தை துவங்கி பல படங்களில் குணச்சித்திர வேடங்களிலும், நகைச்சுவை கதாபாத்திரங்களிலும் நடித்து ரசிகர்கள் மனதில் இடம்பிடித்த ஆர்.எஸ்.சிவாஜி உடல்நலக்குறைவால் இன்று காலமானார். 67 வயதாகும் ஆர்.எஸ் சிவாஜி சென்னையில் இன்று காலமானார். அவரின் மறைவை அடுத்து ஒட்டுமொத்த திரையுலகமும் ரசிகர்களும் சோகத்தில் ஆழ்ந்துள்ளனர்.
66 வயதாகும் ஆர்.எஸ்.சிவாஜி இன்று சென்னையில் உடல்நலக்குறைவால் காலமானார். பிரபல தயாரிப்பாளர் எம்.ஆர் சந்தானம் என்பவரின் மகனும், நடிகர் மற்றும் இயக்குனர் சந்தானபாரதியின் சகோதரருமான ஆர்.எஸ் சிவாஜி பன்னீர் புஷ்பங்கள் என்ற படத்தின் மூலம் நடிகராக அறிமுகமானார்
vijay about rajini: தலைவருக்கு தில்லு அதிகம்..ரஜினியின் தைரியத்தை பார்த்து மெர்சலான விஜய்…ஒரு குட்டி பிளாஷ்பாக்..!
அதன் பிறகு மது மலர், வசந்தம் வரும், வடிவங்கள் போன்ற படங்களில் நடித்து வந்தார். அந்த சமயத்தில் தான் ஆர்.எஸ் சிவாஜிக்கு உலகநாயகன் கமலுடன் பழக்கம் ஏற்பட்டது. விக்ரம் படத்தில் துவங்கி கமலின் அனைத்து படங்களிலும் ஆர்.எஸ் சிவாஜி நடித்து வந்தார். குறிப்பாக அபூர்வ சகோததர்கள் படத்தில் இவர் நடித்ததன் மூலம் பிரபலமான நடிகரானார்.
தெய்வமே நீங்க எங்கையோ போய்ட்டிங்க என்ற ஒரு வசனம் மூலம் பட்டிதொட்டி எங்கும் பிரபலமானார் ஆர்.எஸ் சிவாஜி. அதில் இருந்து நேற்று வெளியான யோகிபாபுவின் லக்கி மென் வரை பல படங்களில் நடித்து புகழ்பெற்றார் ஆர்.எஸ் சிவாஜி. இவர் ஒரு நடிகராக மட்டுமல்லாமல் உதவி இயக்குனர், லைன் தயாரிப்பாளர், ஒளி வடிவமைப்பாளர் என ஒரு ஆல்ரவுண்டராக இருந்து வந்துள்ளார்.
இந்நிலையில் உலகநாயகன் கமல்ஹாசனின் நெருங்கிய நண்பரான ஆர்.எஸ் சிவாஜி அவரை பற்றி நெகிழ்ச்சியாக பேசிய வீடியோ தான் தற்போது வைரலாகி வருகின்றது. அதாவது ஆர்.எஸ் சிவாஜிக்கு கமல் பல உதவிகளை செய்துள்ளார். ஆர்.எஸ் சிவாஜிக்கு இதய நோய் ஏற்பட்டபோது கமல் தான் பெரிதும் உதவியுள்ளாராம். மேலும் மாதா மாதம் கமல் தனக்கு தேவையான மருந்துகளை வாங்கி கொடுத்துவிடுவாராம். அதுமட்டுமல்லாமல் எப்போ எந்த உதவி கேட்டாலும் தயங்காமல் செய்து வந்தாராம் கமல்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
எனவே தன் வாழ்க்கையில் கமலை மறக்கவே மாட்டேன் என மிகவும் உருக்கமாக பேசியிருந்தார் ஆர்.எஸ் சிவாஜி. இந்நிலையில் இவரின் பிரிவு ஒட்டுமொத்த திரையுலகினரையும் ரசிகர்களையும் அதிர்ச்சியில் ஆழ்த்தியுள்ளது. மேலும் இவரின் மறைவை யொட்டி அனைவரும் தங்களின் இரங்கல்களை தெரிவித்து வருகின்றனர் என்பது குறிப்பிடத்தக்கது