அட்லி தற்போது பாலிவுட் திரையுலகில் என்ட்ரி கொடுத்ததற்கு பிறகு இந்திய திரையுலகம் முழுவதும் அறியப்படும் இயக்குனராக உருவெடுத்துள்ளார். தமிழில் இவர் இயக்கிய நான்கு படங்களும் மெகாஹிட் வெற்றியை பெற்றன. என்னதான் அப்படங்கள் ஒரு சில விமர்சனங்களை சந்தித்தாலும் வசூல் ரீதியாக மிகப்பெரிய வரவேற்பை பெற்றன.
ராஜா ராணி படத்தின் மூலம் அறிமுகமான அட்லி அப்படத்தை தொடர்ந்து தெறி, மெர்சல், பிகில் என தொடர்ந்து மூன்று படங்களை விஜய்யை வைத்து இயக்கினார். இந்த மூன்று படங்களும் விஜய்யின் மார்க்கெட் ராக்கெட் வேகத்தில் உயர காரணமாக இருந்தது. இதைத்தொடர்ந்து அட்லி தற்போது ஜவான் படத்தில் ஷாருக்கானை இயக்கி பாலிவுட் என்ட்ரி கொடுத்துள்ளார்.
நேற்று வெளியான இப்படம் கலவையான விமர்சனங்களை சந்தித்தாலும் வசூலில் சாதனை படைத்து வருகின்றது. இந்நிலையில் அட்லி விஜய்யின் ஆஸ்தான இயக்குனர் என்பது நாம் அனைவரும் அறிந்ததே. ஆனால் அட்லி விஜய்யை எப்போது சந்தித்தார், அவரிடம் கதை சொல்லும் வாய்ப்பை எப்படி பெற்றார் என்பது பற்றி பலருக்கும் தெரிந்திருக்க வாய்ப்பில்லை. எனவே தற்போது அட்லி விஜய்யை சந்தித்தது எப்படி ? அவரிடம் கதை சொல்லியது எப்படி என்பது பற்றி காணலாம்.
விஜய்யிடம் கதை சொல்லிய அட்லி
ஷங்கரின் உதவி இயக்குனராக பணியாற்றி வந்தார் அட்லி. அப்போது ஷங்கர் விஜய்யை வைத்து நண்பன் என்ற படத்தை இயக்கிவந்தார். அந்த படத்தின் படப்பிடிப்பின் போது தான் விஜய்யுடன் நெருங்கி பழகும் வாய்ப்பை பெற்றார் அட்லி. ஒரு காட்சியில் விஜய் அட்லியின் பெயரை குறிப்பிட்டு ஒரு வசனம் பேசியிருப்பார். நண்பன் கிளைமாக்ஸ் காட்சியில் ஒரு சிறுவனை விஜய் அட்லி என சொல்லி தான் அழைத்திருப்பார். அந்த அளவிற்கு விஜய்யை இம்ப்ரஸ் செய்துள்ளார் அட்லி.
விஜய் கொடுத்த ரியாக்ஷன்
அந்த சமயத்தில் தான் அட்லி விஜய்யிடம் உங்களுக்காக ஒரு கதை தயார் செய்து வைத்துள்ளேன். கேட்குறீங்களா ? என கேட்டுள்ளார். அதற்கு விஜய்யும் தாராளமாக கேட்குறேன் என கூறியுள்ளார். அதன் பிறகு அட்லி ராஜா ராணி படத்தை முடித்துவிட்டு விஜய்யிடம் மீண்டும் சென்று கதை சொல்ல வரட்டுமா என கேட்டுள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அதற்கு விஜய், நீ அப்போவே கதை சொல்றேன்னு சொன்ன, ஆனா இப்போதான் வர என சொல்லி அதை ஞாபகம் வைத்து ஒரு லுக் விட்டுள்ளார். அதற்குஅட்லி, ஒரு ஹிட் படத்தை கொடுத்துட்டு உங்களை மீட் பண்ணி கதை சொல்லலாம் என இருந்தேன், அதன் தாமதம் என சொல்லியிருக்கின்றார். அதன் பிறகு தான் தெறி திரைப்படம் நடந்தது என்பது குறிப்பிடத்தக்கது.