ஹானர் நிறுவனத்தின் புதிய மாடலான Honor 90 5G இந்தியாவில் செப்டம்பர் 14ம் தேதி வெளியாக உள்ளது. இதன் லான்ச் நிகழ்வு மதியம் 12.30 மணிக்கு திட்டமிடப்பட்டுள்ளது. அமேசான் இ-காமர்ஸ் தளத்தில் இந்த மொபைல் இந்தியாவில் விற்பனைக்கு வர உள்ளது. இந்நிலையில் அதில் இடம்பெறப்போகும் சிறப்பம்சங்கள் குறித்து இந்த தொகுப்பில் காணலாம்.
Honor 90 5G-ன் ஸ்டோரேஜ் விலைHonor 90 5G ஏற்கனவே சீனாவில் வெளியிடப்பட்டுள்ளது. அதில், 12GB ரேம் + 128GB ஸ்டோரேஜ் , 16GB ரேம் + 256GB ஸ்டோரேஜ் , 16GB ரேம் + 512GB ஸ்டோரேஜ் ஆகிய மூன்று வேரியண்ட்டுகளில் வெளியாகியிருந்தது. இந்திய மதிப்பில், 29,000 , 32,680, 35,017 ஆகிய விலைகளில் இவை விற்பனைக்கு வந்துள்ளது. இந்தியாவில் இதன் விலை குறித்த தகவல்கள் இன்னும் வெளியாகவில்லை.
Honor 90 5G -ன் ப்ராசஸர்Honor 90 5G மொபைல் 16GB ரேம் மற்றும் தோராயமாக 512GB ஸ்டோரேஜ் வசதியோடு Snapdragon 7 Gen 1 SoC ப்ராசஸர் கொண்டு வெளியாக வாய்ப்புள்ளதாக தகவல்கள் வெளியாகியுள்ளது. மேலும், இந்த மொபைல் Android 13-based MagicOS 7.1 அடிப்படையில் இயங்குகிறது.
Honor 90 5G -ன் டிஸ்பிளேHonor 90 5G மொபைலில்1.5K ரெசல்யூஷன் TUV Rheinland-certified டிஸ்பிளே மற்றும் 1600 நிட்ஸ் பீக் பிரைட்னஸ் இடம்பெறலாம் என்று எதிர்பார்க்கப்படுகிறது. மேலும், இதில் 3840Hz PWM டிம்மிங் இடம்பெறலாம் என்று உறுதி செய்யப்பட்டுள்ளது.
Honor 90 5G-ன் கேமராHonor 90 5G – ல் 200 மெகாபிக்ஸல் பிரைமரி கேமராவும், 50 மெகாபிக்ஸல் செல்ஃபீ கேமராவும் இடம்பெறலாம் என்றும் எதிர்பார்க்கப்படுகிறது. மேலும் இதில் 5000 mAh பேட்டரி மற்றும் 66W சார்ஜிங் வசதி இடம்பெறும் என்றும் தகவல்கள் வெளியாகியுள்ளது.