தளபதி விஜய் நடிப்பில் இயக்குனர் லோகேஷ் கனகராஜ் இயக்கியுள்ள திரைப்படம்தான் லியோ. இந்த திரைப்படம் ரிலீஸ் ஆவதற்கு முன்பே மிகப்பெரிய சாதனைகளை செய்து வருகிறது. இந்தியா மட்டுமல்லாமல், உலகளவில் பல சாதனைகளை புரிந்து வருகிறது லியோ திரைப்படம். அந்த வகையில், இங்கிலாந்தில் லியோ திரைப்படம் ரிலீசுக்கு முன்பே சாதனையை படைத்ததாக வெளியீட்டு நிறுவனம் ஒன்று கூறியுள்ளது.
தளபதி
கூகுள் செய்திகள் பக்கத்தில் TimesXP Tamil இணையதளத்திற்கு செல்ல இங்கே கிளிக் செய்யுங்கள்.. வீடியோ செய்திகளை உடனுக்குடன் பெறுங்கள்
லியோ திரைப்படம் வெளியாவதற்கு முன்பே படத்திற்கான டிக்கெட்டுகள் முன்பதிவு தொடங்கியது. இன்னும் படம் வெளியாக 40 நாட்களுக்கு மேல் இருக்கும் நிலையில், இங்கிலாந்தில் ஒரே நாளில் 10000+ டிக்கெட்டுகள் பதிவு செய்யப்பட்டிருக்கின்றன. லியோ படத்தை இங்கிலாந்தில் அஹிம்சா என்டர்டெயின்மென்ட் நிறுவனம் விநியோகம் செய்கிறது. முன்னதாக, தளபதி விஜய்யின் வாரிசு திரைப்படத்திற்கான முன்பதிவு இந்த ஆண்டு ஜனவரியில் தொடங்கியது. முன்பதிவு குறித்த அறிவிப்பு வெளியான 24 மணி நேரத்தில் கிட்டத்தட்ட 2000 டிக்கெட்டுகள் விற்பனையானது. இதுவே மிகப்பெரிய சாதனையாக பார்க்கப்பட்ட நிலையில், லியோ படத்தின் டிக்கெட் விற்பனை வாரிசு விற்பனையையே ஓவர்டேக் செய்து மிகப்பெரிய சாதனை படைத்துள்ளது.
கூகுள் செய்திகள் பக்கத்தில் Samayam Tamil இணையதளத்திற்கு செல்ல இங்கே கிளிக் செய்யுங்கள்.. உடனுக்குடன் செய்திகளை பெறுங்கள்
சாதனை படைத்த லியோ
லியோ படத்தின் அறிவிப்பு வெளியானது முதல் இந்த படத்திற்கு ரசிகர்கள் மத்தியில் அதிக எதிர்பார்ப்பு இருந்து வருகிறது. எனவே, அஹிம்சா என்டர்டெயின்மென்ட் நிறுவனம், லியோ படத்தின் யூகே மற்றும் ஐரோப்பாவிற்கான திரையரங்கு உரிமைகளைப் பெற்றுள்ளது. இங்கிலாந்தில் வெளியீட்டிற்கு முன்னதாக முன்பதிவுகளைத் தொடங்கிய முதல் இந்தியத் திரைப்படம் எனும் பெருமையை லியோ திரைப்படம் பெற்றுள்ளது.
Atlee : அட்லியின் அடுத்த ஹீரோ இவர்தான் !! தெலுங்கில் தடம் பதிக்கும் இயக்குனர் அட்லி !!
முன்னதாக அஹிம்சா என்டர்டெயின்மென்ட் தளபதி விஜய்யின் “பீஸ்ட்” திரைப்படத்தை அமெரிக்காவில் விநியோகம் செய்தது. பீஸ்ட் படம் நல்ல வரவேற்பை பெற்றது மட்டுமல்லாமல் அமெரிக்காவில் நல்ல வசூலையும் ஈட்டியது. அதேபோல, இங்கிலாந்தில் அஹிம்சா என்டர்டெயின்மென்ட் விநியோகம் செய்த வாரிசு திரைப்படமும் நல்ல வரவேற்பை பெற்றது.
ஆல் ஏரியாவிலும் ஐயா கில்லி
இது குறித்து அஹிம்சா என்டர்டெயின்மென்ட் நிறுவனம் கூறும்போது, “ லியோ படத்திற்கு முதல் நாளிலேயே அமோக வரவேற்பு கிடைத்துள்ளது. தளபதி விஜய், லோகேஷ் கனகராஜ், அனிருத், சஞ்சய் தத், அர்ஜுன் மற்றும் த்ரிஷா உள்ளிட்ட பலமான கூட்டணியால், மிகப்பெரும் எதிர்பார்ப்பு நிலவுகிறது. ரசிகர்கள் மிகப்பெரும் ஆதரவை தந்து வருகிறார்கள். இங்கிலாந்தில் இந்தியப் படமொன்றின் மிகப்பெரிய வெளியீடாக இப்படத்தை உருவாக்க வேண்டும் என்பதை நோக்கமாகக் கொண்டுள்ளோம். மேலும் ரசிகர்களின் தொடர்ச்சியான ஆதரவிற்கு நாங்கள் நன்றி தெரிவித்து கொள்கிறோம்” என்றனர்.
இப்படி தமிழ்நாடு, இந்தியா மட்டுமல்லாமல் உலகளவில் பெரும் எதிர்பார்ப்பை கிளப்பியிருக்கிறது தளபதியின் லியோ. இதனை பார்த்தால், கில்லி படத்தில் தளபதி கூறிய ஆல் ஏரியாவிலும் ஐயா கில்லி என்னும் வசனம் தான் நினைவிற்கு வருகிறது..
Guest Author : Radhika Nedunchezhian