குக் வித் கோமாளி நிகழ்ச்சியில் மாதம்பட்டி ரங்கராஜ்
விஜய் டிவியில் நான்கு சீசன்களாக ஒளிபரப்பாகி வந்த குக் வித் கோமாளி நிகழ்ச்சியில் தாமு மற்றும் வெங்கடேஷ் பட் ஆகிய இருவரும் நடுவர்களாக இருந்தார்கள். இந்த நிகழ்ச்சியில் இருந்து தற்போது வெங்கடேஷ் பட் விலகிக் கொண்டதை அடுத்து குக் வித் கோமாளி சீசன் ஐந்தாவது நிகழ்ச்சியில் தாமுவுடன் இணைந்து புதிய நடுவராக மாதம்பட்டி ரங்கராஜ் இடம் பெறுகிறார். இவர் மெஹந்தி சர்க்கஸ், பென்குயின் போன்ற படங்களில் நடித்தவர். அதோடு கேட்டரிங் தொழிலும் நடத்தி வருகிறார். திரையுலகில் நடைபெறும் பல முக்கிய நிகழ்ச்சிகளுக்கு இவரது கேட்டரிங்கில் இருந்து சென்றுதான் சமையல் செய்து கொடுத்து வருகிறார்கள். இந்த நிலையில்தான் தற்போது வெங்கடேஷ் பட்டிற்கு பதிலாக மாதம்பட்டி ரங்கராஜ் குக் வித் கோமாளி சீசன்- 5 நிகழ்ச்சியில் நடுவராக நியமிக்கப்பட்டு இருக்கிறார்.