விற்பனையில் கிடைக்கின்ற பிரபலமான கிளாசிக் 350 பைக்கின் அடிப்படையில் Goan கிளாசிக் 350 பாபெர் ஸ்டைல் மாடலுக்கான டிசைனை காப்புரிமை ராயல் என்ஃபீல்டு மோட்டார்சைக்கிள் நிறுவனம் பதிவு செய்துள்ளது.
கிளாசிக் 350 பைக்கின் அடிப்படையான அனைத்தையும் பகிர்ந்து கொள்ளுகின்ற கோன் கிளாசிக் 350 மாடலில் இருக்கை மற்றும் டயரில் வெள்ளை நிற வால்பேட்ச் பெற்றதாக அமைந்துள்ளது. இதுதவிர, எக்ஸ்ஹாஸ்ட் மாற்றியமைக்கப்பட்டு, புதிய ஹேண்டில் பார், சிறிய அளவிலான உதிரிபாகங்கள் மாற்றங்களை மட்டுமே பெற்றிருக்கும்.
J சீரிஸ் என்ஜின் பெற உள்ள Goan கிளாசிக் 350 மாடலில் 349cc, ஒற்றை சிலிண்டர், ஏர்-ஆயில் கூல்டு என்ஜின் அதிகபட்சமாக 6,100rpm-ல் 20.2 Bhp பவரையும் , 4000rpm-ல் 27 Nm டார்க் வெளிப்படுத்துகின்றது. இந்த என்ஜினில் 5 வேக கியர்பாக்ஸ் வழங்கப்பட்டுள்ளது.
தற்போது விற்பனையில் உள்ள ராயல் என்ஃபீல்டின் கிளாசிக் 350 விலை ரூ. 1.93 லட்சம் முதல் 2.25 லட்சம் வரை (எக்ஸ்-ஷோரூம், சென்னை) விற்பனை செய்யப்படுகின்றது. எனவே, வரவுள்ள புதிய ராயல் என்ஃபீல்டு Goan கிளாசிக் 350 விலை ரூ.2.35 லட்சத்துக்குள் துவங்க வாய்ப்புள்ளது.