நானி படத்துக்கு 7 ரிலீஸ் தேதிகள்
விவேக் ஆத்ரேயா இயக்கத்தில் தற்போது நானி நடித்துள்ள படம் அன்டே சுந்தரானிக்கி. நீண்ட இடைவெளிக்கு பிறகு நடிக்க வந்திருக்கும் நடிகை நஸ்ரியா இந்தப் படத்தில் கதாநாயகியாக நடிப்பதன் மூலம் முதன்முறையாக தெலுங்கிலும் அடியெடுத்து வைத்துள்ளார். இந்த படம் ரிலீசுக்கு தயாராகி உள்ள நிலையில் இந்த படத்திற்காக 7 ரிலீஸ் தேதிகளை தேர்வு செய்து வைத்துள்ளதாக பட நிறுவனமும், கதாநாயகன் நானியும் கூறியுள்ளனர். அந்த விதமாக ஏப்ரல் 29 முதல் ஜூன் 27 வரையிலான 7 வாரங்களில் மற்ற பெரிய படங்களின் ரிலீசுக்கு ஏற்றபடி தேதிகளை மாற்றிக்கொண்டு எந்த ஒரு வாரத்திலும் தங்களது படத்தை ரிலீஸ் செய்ய தயாராக இருப்பதாக அவர்கள் கூறியுள்ளனர்.
தற்போது நிலவும் அசாதாரண சூழலில் பெரிய நடிகர்களின் படங்கள் 2 ரிலீஸ் தேதிகளை தங்களது படத்துக்காக தேர்வு செய்யும்போது, நாங்கள் 7 ரிலீஸ் தேதிகளை தேர்வு செய்யக் கூடாதா என நானி தனது சோசியல் மீடியா பக்கத்தில் கேட்டுள்ளார் சமீபத்தில் ஆர்ஆர்ஆர் படத்திற்காக அதன் தயாரிப்பு நிறுவனம் இது அல்லது அது என இரண்டு ரிலீஸ் செய்திகளை குறிப்பிட்டு அறிவிப்பு வெளியிட்டது, இதை சுட்டிக் காட்டியே நானி இவ்வாறு குறிப்பிட்டுள்ளார் என்று தெரிகிறது.