அமெரிக்காவில் மட்டுமே 100 கோடி வசூலித்த 'ஆர்ஆர்ஆர்'
இந்தியத் திரைப்படங்கள் அமெரிக்காவில் 100 கோடி ரூபாய் வசூலைக் கடப்பது மாபெரும் சாதனை. அந்த சாதனையை ராஜமவுலி மீண்டும் செய்திருக்கிறார்.
அவரது இயக்கத்தில் 2017ல் வெளிவந்த 'பாகுபலி 2' படம் 100 கோடிக்கும் மேல் வசூலித்து சாதனை புரிந்தது. அப்போது அந்தப் படம் யுஎஸ் டாலர் மதிப்பில் சுமார் 20 மில்லியன் வசூலித்தது. அந்த சமயத்தில் யுஎஸ் டாலருக்கு எதிராக இந்திய ரூபாயின் மதிப்பு 65 ரூபாயாக இருந்தது.
இப்போது 'ஆர்ஆர்ஆர்' படம் 100 கோடி வசூலைக் கடந்து சாதனை படைத்துள்ளது. இந்திய ரூபாய் மதிப்பில் கடந்த 15 நாட்களில் சுமார் 13.5 மில்லியன் யுஎஸ் டாலரை இப்படம் வசூலித்துள்ளது. இப்போது யுஎஸ் டாலருக்கு எதிராக இந்திய ரூபாயின் மதிப்பு 75 ரூபாயாக உள்ளது.
அமெரிக்காவில் 100 கோடி வசூலைக் கடந்த இந்தியப் படங்களில் முதலிரண்டு இடங்களையும் ராஜமவுலி இயக்கிய படங்களே இடம் பெற்றுள்ளன. அதற்கடுத்து 3வது இடத்தில் 2016ல் ஆமீர்கான் நடித்து வெளிவந்த 'டங்கல்', 4வது இடத்தில் ரன்வீர் சிங், தீபிகா படுகோனே நடித்த 2018ம் ஆண்டு வெளிவந்த 'பத்மாவத்', 5வது இடத்தில் ஆமீர்கான் நடிப்பில் 2014ல் வெளிவந்த 'பிகே' ஆகிய படங்கள் உள்ளன.