தமிழ் சினிமாவில் தயாரிப்பாளர், வினியோகஸ்தர், நடிகர் என பல தளங்களில் முத்திரை பதிப்பவர் ஆர்.கே. சுரேஷ். இவர் தனக்கு ஆண் குழந்தை பிறந்துள்ள தகவலை சமூக வலைதளத்தில் மகிழ்ச்சியுடன் தெரிவித்துள்ளார். இதனையடுத்து பலரும் அவருக்கு வாழ்த்து தெரிவித்து வருகின்றனர்.
விஜய் ஆண்டனியின் ‘சலீம்’, விஜய் சேதுபதியின் ‘தர்மதுரை’ உள்ளிட்ட பல படங்களைத் தயாரித்தவர் ஆர்.கே.சுரேஷ். தயாரிப்பதோடு மட்டுமில்லாமல் படங்களை விநியோகம் செய்தும் வருகிறார். இதனிடையில் பாலாவின் தாரதப்பட்டை படத்தில் கொடூரமான வில்லனாக மிரட்டியிருந்தார் ஆர்.கே. சுரேஷ். இதனையடுத்து பல படங்களில் வில்லனாக நடித்தார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மேலும், இவர் ஹீரோவாக நடித்த பில்லா பாண்டி, விசித்திரன் போன்ற படங்கள் கடும் தோல்வியை சந்தித்தது. இதனையடுத்து கடந்த வருடம் முத்தையா இயக்கத்தில் கார்த்தி ஹீரோவாக நடித்த விருமன் மற்றும் அதர்வாவின் பட்டத்து அரசன் படங்களில் வில்லனாக நடித்திருந்தார் ஆர்.கே. சுரேஷ்.
Varsiu: அந்த புருடாவை மன்னிக்கவே முடியாது: வாரிசை ரவுண்டு கட்டும் ப்ளூ சட்டை மாறன்.!
இந்நிலையில் கடந்த 2020 ஆம் ஆண்டு பைனான்சியர் மது என்பவரைதிருமணம் செய்துகொண்டார் ஆர்.கே. சுரேஷ். இவர்களுக்கு ஸ்ரேயா என்ற பெண் குழந்தை பிறந்தது. இதனையடுத்து இரண்டாவது முறையாக கர்ப்பமாக இருந்த ஆர்.கே.சுரேஷின் மனைவி மதுவிற்கு கடந்த டிசம்பரில் வளைகாப்பு நடைபெற்றது. இதில் மிஷ்கின், நடிகர் கௌதம் கார்த்திக் உள்ளிட்ட திரை பிரபலங்கள் கலந்துகொண்டனர்.
Sundar C, Aranmanai 4: ‘அரண்மனை 4’ படத்திற்கான வேலைகளில் இறங்கிய சுந்தர் சி: ஹீரோ இவரா..?
இந்நிலையில் ஆர்.கே.சுரேஷ் தற்போது தனது ட்விட்டர் பக்கத்தில் இரண்டாவது குழந்தை பிறந்துள்ள தகவலை பகிர்ந்துள்ளார். அதில், ”எங்களுக்கு ஆண் குழந்தை பிறந்துள்ளது. குழந்தைக்கு மூச்சு திணறல் பிரச்னை இருந்தது. கடவுளின் அருளால் தற்போது நன்றாக இருக்கிறான். எங்களுக்காக கடவுளிடம் வேண்டிக்கொள்ளுங்கள்” என்று குறிப்பிட்டுள்ளார். இதனையடுத்து பலரும் ஆர்.கே. சுரேஷிற்கு வாழ்த்து தெரிவித்து வருகின்றனர்.