tv67
கலவையான விமர்சனம் விஜய் நடிப்பில் வம்சியின் இயக்கத்தில் சமீபத்தில் வெளியான வாரிசு திரைப்படம் மிகுந்த எதிர்பார்ப்பில் வெளியானது.. ராஷ்மிகா நாயகியாக நடித்திருந்த இப்படத்தில் தமன் இசையமைத்திருந்தார். மேலும் சரத்குமார், ஷ்யாம், பிரகாஷ் ராஜ் என மிகப்பெரிய நட்சத்திர பட்டாளமே இப்படத்தில் நடித்திருந்தனர். இந்நிலையில் மிகுந்த எதிர்பார்ப்பில் வெளியான இப்படம் ரசிகர்களின் எதிர்பார்ப்பை பூர்த்தி செய்ய தவறியது.கலவையான விமர்சனங்களை பெற்று வரும் வாரிசு திரைப்படம் வசூலை பொறுத்தவரை மிகப்பெரிய வெற்றியை நோக்கி நகர்கின்றது.
நம்பிக்கை விஜய்யின் கடைசி இரண்டு படங்கள் கலவையான விமர்சனங்களையே பெற்று வருவதால் தளபதி 67 தன்னை மீண்டும் வெற்றி பாதைக்கு அழைத்து செல்லும் என நம்பியுள்ளார். வசூல் ரீதியாக மட்டுமல்லாமல் விமர்சன ரீதியாகவும் விஜய்க்கு வெற்றி தேவைப்படுகின்றது. எனவே அந்த வெற்றியை தளபதி 67 தரும் என தளபதி நம்பியுள்ளார். மாஸ்டர் படத்திற்கு பிறகு மீண்டும் லோகேஷுடன் கூட்டணி அமைக்கும் விஜய் இப்படத்தில் தன் மாறுபட்ட நடிப்பை வெளிப்படுத்த உள்ளார். இது வழக்கமான விஜய் படங்களை போல இல்லாமல் முழுக்க முழுக்க லோகேஷின் ஸ்டைலில் உருவாகவுள்ளதாக பேசப்பட்டு வருகின்றது. இதன் காரணமாக ரசிகர்கள் மிகுந்த எதிர்பார்ப்பில் இருக்கின்றனர்
LCU கமல்ஹாசன் நடிப்பில் வெளியான விக்ரம் படத்தில் லோகேஷ் LCU திட்டத்தை பயன்படுத்தியது ரசிகர்கள் மத்தியில் மிகவும் பிரபலமானது. இதையடுத்து அவர் இயக்கவுள்ள தளபதி 67 படமும் LCU பாணியில் இருக்கும் என்ற எதிர்பார்ப்பு ரசிகர்கள் மத்தியில் இருந்து வருகின்றது. எனவே அவ்வாறு இருக்கும் பட்சத்தில் தளபதி 67 படத்தில் சூர்யா, கார்த்தி , கமல் உள்ளிட்ட நடிகர்கள் நடிக்கும் வாய்ப்பும் அமையும். மேலும் இதுவரை வெளியான தகவல்கள் அனைத்தும் தளபதி 67 திரைப்படம் LCU வை சார்ந்து தான் உருவாகின்றதாக வந்துள்ளது. இது ரசிகர்களின் எதிர்பார்ப்பை இரட்டிப்பாகியுள்ளது
முன்னணி ஹீரோ இந்நிலையில் தளபதி 67 திரைப்படத்தில் விஜய்யுடன் இணைந்து பல ஆண்டுகளுக்கு பிறகு த்ரிஷா நடிக்கின்றார். மேலும் கௌதம் மேனன், மிஸ்கின், அர்ஜுன் , மன்சூர் அலி கான் , சஞ்சய் தத் என மிகப்பெரிய நட்சத்திர பட்டாளமே நடிக்கின்றது. இதைத்தொடர்ந்து தற்போது தென்னிந்திய மொழிகளில் முன்னணி நாயகனான ஃபஹத் ஃபாசில் தளபதி 67 படத்தில் நடிப்பதாக தகவல் வந்துள்ளது. இதைப்பற்றி அவர் ஒரு பத்திரிகையாளர் சந்திப்பில் பேசுகையில், தளபதி 67 திரைப்படம் LCU வில் இணைக்கப்பட்டுள்ளது. எனவே அதில் நான் நடிக்கும் வாய்ப்பு அதிகம் என அவர் கூறியுள்ளார் என்பது குறிப்பிடத்தக்கது