விஜய் நடிப்பில் அண்மையில் வெளியான ‘வாரிசு’ படத்தை காண ரசிகர்கள் குடும்பத்துடன் திரையரங்கிற்கு படையெடுத்து வருகின்றனர். மேலும் படம் ரிலீஸான ஐந்தே நாட்களில் உலக அளவில் ரூ. 150 கோடியும், 7 நாட்களில் ரூ. 210 கோடியும் வசூலித்துள்ளதாக படத்தை தயாரித்த தில் ராஜு அதிகாரப்பூர்வமாக அறிவித்துள்ளார். இந்நிலையில் ‘வாரிசு’ படத்தில் நடித்தது குறித்து பேட்டி ஒன்றில் பேசியுள்ளார் நடிகை ராஷ்மிகா.
வம்சி பைடிபல்லி இயக்கத்தில் வெளியான ‘வாரிசு’ படத்தினை ஸ்ரீ வெங்கடேஸ்வரா கிரியேஷன்ஸ் நிறுவனம் சார்பில் தில் ராஜு தயாரித்தார். விஜய்யுடன் முதன்முறையாக ராஷ்மிகா ஜோடி சேர்ந்த இந்தப்படத்தில் சரத்குமார், பிரபு, பிரகாஷ் ராஜ், எஸ்.ஜே. சூர்யா, ஷாம், ஸ்ரீகாந்த், சங்கீதா ஜெயசுதா, யோகிபாபு, ஸ்ரீமன், ஜான் விஜய், விடிவி கணேஷ் உள்ளிட்ட நட்ச்சத்திர பட்டாளங்களே நடித்துள்ளது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கடந்த ஜனவரி 11 ஆம் தேதி வெளியான ‘வாரிசு’ படத்தில் விஜய் ஒன்மேன் ஷோவாக கலக்கியுள்ளதாக ரசிகர்கள் படத்தை கொண்டாடி வருகின்றனர். ரசிகர்கள் மத்தியில் வரவேற்பை பெற்று வரும் இந்தப்படம் நெகட்டிவ் விமர்சனங்களையும் குவித்து வருகிறது. படம் மிகவும் ஸ்லோவாக இருப்பதாகவும், தெலுங்கு சீரியல் போல் இருப்பதாகவும் பலரும் கழுவி ஊற்றி வருகின்றனர்.
ஆனாலும் பேமிலி ஆடியன்ஸ் மத்தியில் வரவேற்பை பெற்று வருகிறது ‘வாரிசு’. கடந்த பொங்கல் விடுமுறை மற்றும் வார இறுதி நாட்கள் இந்தப்படத்தின் வசூலுக்கு சாதகமாக அமைந்தது. குடும்பம் குடும்பமாக ‘வாரிசு’ படத்தை பார்க்க படையெடுத்தனர். இந்நிலையில் தான் ‘வாரிசு’ படத்தின் தயாரிப்பு நிறுவனமான ஸ்ரீ வெங்கடேஸ்வரா க்ரியேஷன்ஸ், வாரிசு படம் 7 நாட்களில் உலக அளவில் 210 கோடி ரூபாயை வசூல் செய்துள்ளதாக அதிகாரப்பூர்வமாக அறிவித்தது.
Captain Miller: அடேங்கப்பா.. தனுஷ் தீயா இருக்காரே: ‘கேப்டன் மில்லர்’ படத்தின் தாறுமாறு அப்டேட்.!
ஆனால் இதனை மறுத்து திருப்பூர் சுப்ரமணியன் பேசியுள்ளதும் சர்ச்சைகளை கிளப்பியுள்ளது. இந்நிலையில் முதன்முறையாக இந்தப்படத்தில் ராஷ்மிகா ஜோடி சேர்ந்தது ரசிகர்கள் மத்தியில் எதிர்பார்ப்பினை கிளப்பியது. ஆனால், வாரிசு படத்தில் ராஷ்மிகா இரு பாடல்களுக்கு மட்டுமே நடனமாடி சென்றது பலவித விமர்சனங்கள் எழுந்தது.
Sivakarthikeyan: விஜய் பட இயக்குனருடன் கைகோர்க்கும் எஸ்கே: வேறலெவல் காம்போவா இருக்கே.!
இந்நிலையில் இந்த விமர்சனங்கள் தொடர்பாக பேட்டி ஒன்றில் பேசியுள்ள நடிகை ராஷ்மிகா மந்தனா, வாரிசு படத்தில் இரண்டு பாடல்களைத் தவிர எனக்கு பெரிதாக நடிப்பதற்கு வாய்ப்பு இல்லை எனத் தெரிந்து கொண்டுதான் நடிக்க ஒப்புக்கொண்டேன். விஜய் சாருடன் நடிக்க வேண்டும் என்பதற்காகவே இந்தப் படத்தில் நடிக்க ஒப்புக்கொண்டேன். விஜய் சாரை நீண்ட காலமாக ரசித்து வருகிறேன். அவரின் இந்த பேச்சு விஜய் ரசிகர்கள் மத்தியில் மகிழ்ச்சியை ஏற்படுத்தியுள்ளது.