Russo Brothers:சமந்தாவுக்கு நடந்திருக்கும் விஷயம் குறித்து அறிந்த ரசிகர்களால் சந்தோஷத்தை கட்டுப்படுத்த முடியவில்லை.
சிடாடல்ருஸோ சகோதரர்களின் சிடாடல் வெப்தொடரை இந்தியில் ராஜ் மற்றும் டிகே ஆகியோர் இயக்குகிறார்கள். அதில் பாலிவுட் நடிகர் வருண் தவானும், சமந்தாவும் உளவாளிகளாக நடிக்கிறார்கள். இந்நிலையில் சமந்தா, வருண் தவானின் ஃபர்ஸ்ட் லுக் போஸ்டர்கள் வெளியானது. அந்த போஸ்டரை சமூக வலைதளத்தில் வெளியிட்டு சமந்தாவை வரவேற்றிருக்கிறார்கள் ருஸோ சகோதரர்கள்.
சமந்தாஹாலிவுட்டில் பிரபலமான ருஸோ சகோதரர்களே சமந்தாவை வரவேற்றதை பார்த்த ரசிகர்களுக்கு ஒரே சந்தோஷம் தான். ருஸோ சகோதரர்கள் வரவேற்றதை பார்த்த நடிகரும், இயக்குநருமான ராகுல் ரவீந்திரன், அதை வார்த்தைகளால் விவரிக்க முடியவில்லை என்று ட்வீட் செய்தார். தோழி சமந்தாவை நினைத்து பெருமைப்படுவதாக கூறினார். அந்த ட்வீட்டை பார்த்த சமந்தாவோ, நீங்கள் எனக்கு நண்பராக கிடைக்க கொடுத்து வைத்திருக்கிறேன் என பதில் அளித்தார்.
பாராட்டு
தனுஷ்ருஸோ சகோதரர்கள் இயக்கிய தி கிரே மேன் ஹாலிவுட் படத்தில் நடித்தார் தனுஷ். அவரின் கதாபாத்திரத்தை வைத்து தனி படத்தை எடுக்க ருஸோ சகோதரர்கள் திட்டமிட்டுள்ளனர். இந்நிலையில் ருஸோ சகோதரர்களின் ப்ரொஜெக்டில் சமந்தா நடிப்பது எவ்வளவு பெரிய விஷயம். இனி எல்லாமே நல்லது தான் நடக்கும் சம்மு. தனுஷை போன்றே நீங்களும் கொடுத்து வைத்தவர் தான் என ரசிகர்கள் நெகிழ்ந்து பேசிக் கொண்டிருக்கிறார்கள்.
நோய்மயோசிடிஸ் எனும் அரிய வகை நோயுடன் போராடி வரும் சமந்தா, சிடாடல் வெப்தொடரில் இருந்து விலகிவிட்டார் என வதந்தி பரவியது. இந்நிலையில் தான் மும்பையில் நடந்து வரும் சிடாடல் ஷூட்டிங்கில் கலந்து கொண்டிருக்கிறார் சமந்தா. வெப்தொடரில் ஆக்ஷன் காட்சிகளில் சமந்தா நடிக்க வேண்டியுள்ளது. இதற்காக ஹாலிவுட்டில் இருந்து ஸ்டண்ட் மாஸ்டர் வருகிறார்.
ரசிகர்கள்சமந்தாவை ஆக்ஷன் காட்சிகளில் பார்க்க ரசிகர்கள் ஆவலாக உள்ளனர். அதே சமயம், மயோசிடிஸ் இருப்பதை மனதில் வைத்து அதிகம் ஸ்ட்ரெஸ் எடுத்துகொள்ள வேண்டாம் சம்மு என ரசிகர்கள் அக்கறையுடன் தெரிவித்துள்ளனர். சமந்தா கண்டிப்பாக டூப் போட அனுமதிக்க மாட்டார். மேலும் ஆக்ஷன் என்று வந்துவிட்டால் அதிரடியாக இறங்கிவிடுவார் என்பது அனைவருக்கும் தெரியும்.
கெரியர்மயோசிடிஸ் பிரச்சனையால் பிரேக்கில் இருந்த சமந்தா மீண்டும் ஷூட்டிங்ஸ்பாட்டிற்கு திரும்பிவிட்டார். சிடாடல் தவிர்த்து விஜய் தேவரகொண்டாவின் குஷி படத்திலும் நடிக்கிறார். இதற்கிடையே சமந்தாவின் சகுந்தலம் படம் ரிலீஸுக்கு தயாராகிவிட்டது. குணசேகர் இயக்கியிருக்கும் சகுந்தலம் படம் பிப்ரவரி 17ம் தேதி ரிலீஸாகவிருக்கிறது என்பது குறிப்பிடத்தக்கது.