Vijay: திடீர் என்று செல்போனில் வந்த மெசேஜை பார்த்த தளபதி ரசிகர்களுக்கு ஒரு நிமிஷம் தலையே சுத்திருச்சு.
வாரிசுவம்சி பைடிபல்லி இயக்கத்தில் விஜய், ரஷ்மிகா மந்தனா, சரத்குமார், ஜெயசுதா, ஷாம் உள்ளிட்டோர் நடித்த வாரிசு படம் கடந்த ஜனவரி மாதம் 11ம் தேதி தியேட்டர்களில் ரிலீஸானது. பொங்கல் பண்டிகையையொட்டி வந்த வாரிசு படம் குடும்ப ஆடியன்ஸுக்கு பிடித்துவிட்டது. இதையடுத்து வாரிசு இந்தியாவில் மட்டும் ரூ. 200 கோடி வசூல் செய்திருக்கிறது. பிகில், மாஸ்டர் ஆகிய படங்களை அடுத்து இந்தியாவில் ரூ. 200 கோடி வசூலித்த விஜய் படமாக வாரிசு உள்ளது.
வாரிசு ஓடிடிவாரிசு படம் உலக அளவில் ரூ. 300 கோடி வசூலை நெருங்கிக் கொண்டிருக்கிறது. இந்நிலையில் தான் அந்த அதிர்ச்சிகரமான மெசேஜ் ரசிகர்களை வந்தடைந்தது. அதாவது வாரிசு படம் பிப்ரவரி மாதம் 10ம் தேதி அமேசான் பிரைம் ஓடிடி தளத்தில் வருகிறது என்பது தான் அந்த மெசேஜ். படம் வெளியான ஒரு மாதத்தில் அதை ஓடிடியில் வெளியிடுவது வழக்கம் தான். ஆனால் நல்லா ஓடும் படம் இப்படி ஓடிடியில் அதற்குள் வருகிறதே என்பது தான் விஜய் ரசிகர்களின் அதிர்ச்சிக்கு காரணம்.
ரிலீஸ்அமேசான் பிரைமை சப்ஸ்கிரைப் செய்திருப்பவர்களுக்கு வாரிசு ஓடிடி ரிலீஸ் குறித்த மெசேஜ் வந்தது. அதை பார்த்து ரசிகர்கள் அதிர்ச்சி அடைந்தாலும், அதை தவிர்க்க முடியாது. வாரிசு படம் விஜய் ரசிகர்களுக்கு பிடித்தபோதிலும், அது தெலுங்கு டப்பிங் சீரியல் போன்று இருந்ததாக சமூக வலைதளங்களில் கிண்டல் செய்தார்கள். சீரியல் பார்க்கும் பெண்கள் தான் வாரிசு படத்தின் வெற்றிக்கு காரணம். அதனால் அவர்களுக்கு தான் விஜய் நன்றி தெரிவிக்க வேண்டும் என்றார்கள் சமூக வலைதளவாசிகள்.
விமர்சனம்வாரிசு படத்தை கிண்டல் செய்தவர்கள் செய்தாலும், தியேட்டருக்கு சென்று பார்த்தவர்களும் உள்ளனர். பொங்கல் பண்டிகை விடுமுறை வந்ததால் விமர்சனத்தை எல்லாம் குப்பையில் போடுங்கள், படத்தை பார்த்துவிட்டு அதில் குறை இருக்கிறதா இல்லையா என்பதை நாங்கள் சொல்கிறோம் என மக்கள் தியேட்டர்களுக்கு படையெடுத்தார்கள். அதனால் வசூல் கிடுகிடுவென உயர்ந்தது.
தளபதி 67வாரிசு படத்தை அடுத்து லோகேஷ் கனகராஜ் இயக்கத்தில் தளபதி 67 படத்தில் நடித்து வருகிறார் விஜய். முதல்கட்ட படப்பிடிப்பு சென்னையில் நடந்தது. இதையடுத்து படக்குழு காஷ்மீருக்கு கிளம்பிச் சென்றுள்ளது. 14 ஆண்டுகள் கழித்து தளபதி 67 படம் மூலம் மீண்டும் விஜய்யுடன் சேர்ந்து நடிக்கிறார் த்ரிஷா என்பது குறிப்பிடத்தக்கது.
Trisha, Thalapathy 67: 14 ஆண்டுகள் கழித்து விஜய்யுடன் சேர்ந்த த்ரிஷா: க்யூட் வீடியோ