எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
துணிவு படத்தை அடுத்து அஜித் குமார் நடிக்கும் ஏ.கே. 62 படத்தை விக்னேஷ் சிவன் இயக்குவார் என லைகா நிறுவனம் கடந்த ஆண்டு அறிவிப்பு வெளியிட்டது. இதையடுத்து படப்பிடிப்பு துவங்க வேண்டிய ஜனவரி மாதத்தில் கதை பிடிக்கவில்லை என விக்னேஷ் சிவனை நீக்கிவிட்டார்கள்.
விக்னேஷ் சிவனை அடுத்து மகிழ்திருமேனியை ஒப்பந்தம் செய்துள்ளனர். இருப்பினும் அது குறித்த அதிகாரப்பூர்வ அறிவிப்பு மட்டும் இதுவரை வெளியிடப்படவில்லை. மார்ச் மாதம் அறிவிப்பு வரும் என்றார்கள். இந்நிலையில் ஏப்ரல் மாதம் வரும் என கூறியிருக்கிறார்கள்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதையடுத்து லைகா நிறுவனத்தின் ட்விட்டர் பக்கமே கதி என இருக்கிறார்கள் அஜித் ரசிகர்கள். தான் தயாரிக்கும் பிற படங்கள் குறித்து அவ்வப்போது அப்டேட் கொடுத்து ட்வீட் செய்கிறது லைகா நிறுவனம். ஆனால் ஏ.கே. 62 படம் பற்றி இதுவரை ஒரு ட்வீட் கூட போடவில்லை.
Ajith: அஜித் ரசிகர்களே AK62 பற்றி இந்த நல்ல விஷயத்தை கவனிச்சீங்களா?
இதை பார்த்த அஜித் ரசிகர்களோ கண்ணீர் விடும் ஸ்மைலியை தான் அடிக்கடி தட்டிவிட்டுக் கொண்டிருக்கிறார்கள். எங்களின் பொறுமையை சோதிக்காதீங்கய்யா. தயவு செய்து அப்டேட் கொடுய்யா லைகா என அஜித் ரசிகர்கள் கெஞ்சிக் கொண்டிருக்கிறார்கள்.
சிலரோ கடுப்பாகி, சீக்கிரமாக அப்டேட் கொடுக்கலனா அவ்வளவு தான் என மிரட்டவும் செய்கிறார்கள். அஜித் ரசிகர்கள் இப்படி ஏ.கே. 62 அப்டேட் கேட்டு தினம் தினம் கெஞ்சுவதை பார்த்து தளபதி விஜய் ரசிகர்களே பாவப்படுகிறார்கள்.
அது என்ன விஜய் ரசிகர்களே என்று கேட்கிறீர்களா?. ட்விட்டரில் அஜித், விஜய் ரசிகர்கள் அவ்வப்போது மோதிக் கொள்வார்கள். அவர்கள் சண்டை போட்டால் அது நாடு முழுவதும் தெரிய வரும். சண்டைக்காக ஸ்பெஷலாக ஹேஷ்டேக் உருவாக்கி அதை தேசிய அளவில் டிரெண்டாக விடுவார்கள். அதனால் தான் அவர்கள் சண்டை போட்டால் தேசிய அளவில் தெரிய வரும்.
அதே சமயம் அஜித் ரசிகர்களுக்கு ஒரு பிரச்சனை என்றால் முதல் ஆளாக வந்து நிற்பார்கள் விஜய் ரசிகர்கள். தளபதியன்ஸுக்கு பிரச்சனை என்றால் அஜித் ரசிகர்கள் ஆதரவாக நிற்பார்கள். இதுவும் அனைவருக்கும் தெரியும்.
இந்நிலையில் தான் அஜித் ரசிகர்களை பார்த்து பாவப்படுவதுடன், அவர்களுக்காக லைகாவிடம் கோரிக்கை விடுத்கு வருகிறார்கள் தளபதியன்ஸ்.
AK62: எதிர்பார்த்த மாதிரியே செய்த அஜித்: ஏ.கே. 62 ரசிகர்களுக்கு ஒரு குட் நியூஸ்
இதற்கிடையே மே மாதம் முதல் வாரத்தில் ஏ.கே. 62 படப்பிடிப்பு துவங்கும் என்று தகவல் வெளியாகியிருக்கிறது. அஜித்தின் அப்பா சுப்ரமணியம் மார்ச் 24ம் தேதி காலமானார். இதனால் படப்பிடிப்பு தள்ளிப் போகும் என்று கூறப்பட்டது. ஆனால் தனக்காக படப்பிடிப்பை தள்ளி வைப்பதை அஜித் விரும்பவில்லையாம்.
ஏ.கே. 62 படத்தில் அஜித் குமாருக்கு ஜோடியாக காஜல் அகர்வாலை நடிக்க வைக்குமாறு லைகா நிறுவனம் பரிந்துரை செய்துள்ளதாம். லைகா தயாரித்து வரும் இந்தியன் 2 படத்தில் உலக நாயகன் கமல் ஹாசனுக்கு ஜோடியாக நடித்து வருகிறார் காஜல்.
அவர் முன்னதாக சிறுத்தை சிவா இயக்கத்தில் வெளியான விவேகம் படத்தில் அஜித் குமாரின் மனைவியாக நடித்தார். இந்நிலையில் தான் மீண்டும் அஜித் படத்தில் நடிக்கும் வாய்ப்பு காஜலுக்கு கிடைக்கவிருக்கிறது.