நாளுக்கு நாள் அப்க்ரேட் ஆகி கொண்டே இருக்கும் டிஜிட்டல் உலகில் ஸ்மார்ட்போன்கள் மிக முக்கிய பங்கை வகிக்கின்றன. ஸ்மார்ட்போன் என்பது வெறும் எலக்ட்ரானிக் டிவைசாக மட்டுமில்லாமல், நமது எமோஷனோடு கலந்து ஒரு விஷயமாக மாறிவிட்டது. அப்படிப்பட்ட ஸ்மார்ட்போன்களை வாங்கும்போது கடைகடையாக ஏறி நல்ல மொபைலாக வாங்குவோம். அப்படி உலகம் முழுவதும் பலரால் விரும்பப்பட்டு அதிகம் வாங்கப்பட்டுள்ள ஸ்மார்ட்போன்களின் பட்டியல் என்று Omdia வெளியிட்டிருக்கும் பட்டியலை இந்த தொகுப்பில் பார்க்கலாம்.
iPhone 14 Pro Maxவழக்கம் போல் முதல் மூன்று இடங்களை ஐபோன்களே பெற்றுள்ளன. அதில் கடந்த ஆண்டு வெளியான ஆப்பிள் இன்க் நிறுவனத்தின் iPhone 14 Pro Max முதலிடத்தில் உள்ளது. இந்த அரையாண்டின் கணக்குப்படி 26.5மில்லியன் யூனிட் iPhone 14 Pro Max மொபைல்கள் ஏற்றுமதி செய்யப்பட்டுள்ளன.
iPhone 14 Proமேற்கண்ட iPhone 14 சீரிஸில் வெளியான iPhone 14 Pro மொபைல்தான் இரண்டாவது அதிகமாக விற்பனைக்கு வந்த மொபைலாகும். iPhone 14 Pro Max மாடல் மற்றும் இதில் உள்ள அம்சங்கள் மற்றும் ஸ்பெக்ஸ் கிட்டத்தட்ட ஒன்று போலவே இருக்கும்.
iPhone 14கடந்த ஆண்டு வெளியான iPhone 14 சீரிஸ் மாடலின் அடிப்படை மாடலான iPhone 14 தான் இந்த காலாண்டில் அதிகம் விற்பனையான மொபைல்களின் பட்டியலில் 3வது இடத்தை பெற்றுள்ளது.
iPhone 132021ம் ஆண்டு செப்டம்பர் மாதம் வெளியிடப்பட்ட iPhone 13 மொபைல்தான் இந்த பட்டியலின் நான்காம் இடத்தை பிடித்துள்ளது. 2023ம் ஆண்டின் முதல் அரையாண்டில் 15.5 மில்லியன் யூனிட்டுகள் விற்பனையாகி iPhone 13 நான்காம் இடத்தை பெற்றுள்ளது.
Samsung Galaxy A14இந்தாண்டு ஜனவரி மாதம் வெளியான Samsung Galaxy A14 மொபைல் இந்த பட்டியலின் 5வது இடத்தை பெற்றுள்ளது. உலக அளவில் 12.4மில்லியன் யூனிட்டுகள் விற்பனையாகி 5வது இடம் வகித்து வருகிறது.
Samsung Galaxy S23 Ultra2023ம் ஆண்டு பிப்ரவரி மாதம் வெளியான விலையுயர்ந்த மொபைலான Samsung Galaxy S23 Ultra தான் இந்த பட்டியலின் 6ம் இடத்தை பிடித்துள்ளது. அதன்படி, உலக அளவில் 9.6 மில்லியன் மொபைல்கள் ஏற்றுமதி செய்யப்பட்டு 6வது இடத்தை வகித்து வருகிறது.
Samsung Galaxy A14 5GSamsung Galaxy A14 போலவே சிறப்பம்சங்கள் கொண்ட Samsung Galaxy A14 5G மொபைல் தான் இந்த பட்டியலின் 7வது இடத்தை பிடித்துள்ளது. உலக அளவில் 9 மில்லியன் யூனிட்டுகள் ஏற்றுமதி செய்யப்பட்டு அதிகமாக விற்கப்பட்ட மொபைல்கள் வரிசையில் 7வது இடம் வகித்து வருகிறது.
Samsung Galaxy A54 5G2023ம் ஆண்டின் முதல் அரையாண்டில் 8.8 மில்லியன் யூனிட்டுகள் விற்பனையாகி Samsung Galaxy A54 5G 8வது இடத்தை பிடித்துள்ளது. இந்த மொபைல் மார்ச் 24, 2023ம் தேதி விற்பனைக்கு வந்தது.
Samsung Galaxy A34 5Gஉலக அளவில் அதிகம் ஏற்றுமதி செய்யப்பட்ட மொபைல்கள் பட்டியலில் Samsung Galaxy A34 5G 9வது இடத்தை பிடித்துள்ளது. உலக அளவில் 7.1 மில்லியன் யூனிட்டுகள் ஏற்றுமதி செய்யப்பட்டு 9வது இடம் வகித்து வருகிறது.
iPhone 11வெளியாகி நான்கு ஆண்டுகள் ஆகிய நிலையிலும் கூட இந்த ஆண்டின் முதல் ஆறு மாதங்களில் 6.9மில்லியன் யூனிட்டுகள் விற்பனையாகி இந்த பட்டியலின் பத்தாவது இடத்தை பிடித்துள்ளது. 2019ம் ஆண்டு செப்டம்பர் மாதம் இந்த மாடல் வெளியானது குறிப்பிடத்தக்கது.