தமிழ் சினிமா ரசிகர்களுக்கு இம்மாதம் ஒரு கொண்டாட்டமான மாதமாகவே இருக்கும் என்பதில் எந்த சந்தேகமும் இல்லை. அந்த அளவிற்கு இம்மாதம் படங்களும், படங்களின் அறிவிப்புகளும் வெளியாகவுள்ளன. அதெல்லாம் என்னென்ன என்பதை இங்கு பார்ப்போம்.
தமிழ் மட்டுமல்ல இந்திய திரையுலகம் மொத்தமும் எதிர்பார்த்து காத்துக்கொண்டிருக்கும் படம் தான் லியோ. விஜய்யின் நடிப்பில் லோகேஷின் இயக்கத்தில் உருவாகும் லியோ திரைப்படம் அடுத்த மாதம் திரையில் வெளியாகவுள்ளது. இதைத்தொடர்ந்து இம்மாதம் இறுதியில் லியோ படத்தின் இசை வெளியீட்டு விழா மிக பிரம்மாண்டமாக சென்னையில் நடைபெற இருக்கின்றது. மேலும் லியோ படத்தின் ப்ரோமோஷன்களையும் படக்குழு இம்மாதம் துவங்கவுள்ளது.
லியோ அப்டேட்
இதையடுத்து அஜித்தின் விடாமுயற்சி திரைப்படத்தின் படப்பிடிப்பு எப்போது துவங்கும் என்பது தான் அஜித் ரசிகர்கள் மட்டுமின்றி ஒட்டுமொத்த சினிமா ரசிகர்களின் கேள்வியாக இருக்கின்றது. அதற்கான விடையும் இம்மாதம் தெரியவரும். செப்டம்பர் மாதம் இறுதியில் அஜித்தின் விடாமுயற்சி திரைப்படத்தின் படப்பிடிப்பு துவங்கும் என எதிர்பார்க்கப்படுகின்றது.
yuvan about thalapathy 68: தளபதி 68 ..தர லோக்கலா இருக்கும்..தரமான அப்டேட் கொடுத்த யுவன் ஷங்கர் ராஜா..!
இந்நிலையில் இவ்விரு படங்களை தொடர்ந்து ரஜினியின் தலைவர் 170 திரைப்படத்தின் படப்பிடிப்பும் செப்டம்பர் இரண்டாம் வாரம் துவங்கவுள்ளது. ஞானவேலின் இயக்கத்தில் ரஜினி நடிக்கும் தலைவர் 170 திரைப்படத்தின் படப்பிடிப்பும் இம்மாதம் துவங்கவுள்ளது.
விரைவில் விடாமுயற்சி
இதையடுத்து ராஜ் கமல் பிலிம்ஸ் சார்பாக கமல் தயாரிப்பில் சிவகார்த்திகேயன் நடித்து வரும் SK21 திரைப்படத்தின் முதல் பார்வையும் இம்மாதம் வெளியாக வாய்ப்புள்ளதாக தகவல் வந்துள்ளது.
இந்நிலையில் இதைத்தொடர்ந்து இம்மாதம் பல படங்கள் திரையில் வெளியாக இருக்கின்றது. முதலாக அட்லீயின் இயக்கத்தில் ஷாருக்கான் நடிப்பில் உருவான ஜவான் திரைப்படம் செப்டம்பர் 7 ஆம் தேதி திரையில் வெளியாகவுள்ளது. இதையடுத்து விஷால் மற்றும் எஸ்.ஜெ சூர்யா நடிப்பில் ஆதிக் ரவிச்சந்திரன் இயக்கத்தில் உருவான மார்க் ஆண்டனி திரைப்படமும் செப்டம்பர் 15 ஆம் தேதி வெளியாகின்றது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதை தவிர்த்து சந்திரமுகி 2 மற்றும் ஜெயம் ரவியின் இறைவன் திரைப்படமும் செப்டம்பர் வெளியீடாக திரைக்கு வரவுள்ளது. இந்நிலையில் இவ்வாறு பல திரைப்படங்களும், பல திரைப்படங்களின் அறிவிப்புகளும் மாதம் வெளியாகவுள்ளதால் சினிமா ரசிகர்களுக்கு இம்மாதம் ஒரு விருந்தாக அமையும் என்பதில் எந்த சந்தேகமும் இல்லை என்பது குறிப்பிடத்தக்கது.