தாய்லாந்தில் பாக்சிங் பயிற்சி பெற்ற மீனாட்சி சவுத்ரி!
2019ம் ஆண்டு ஹிந்தி சினிமாவில் அறிமுகமான மீனாட்சி சவுத்ரி, அதன்பிறகு தெலுங்கு படங்களில் நடித்து வந்தார். 2023ம் ஆண்டு விஜய் ஆண்டனி நடித்த கொலை படத்தின் மூலம் தமிழுக்கு வந்தார். அதன்பிறகு ஆர்.ஜே.பாலாஜி நடித்த சிங்கப்பூர் சலூன் படத்தில் முக்கிய வேடத்தில் நடித்திருந்தார். தற்போது வெங்கட் பிரபு இயக்கத்தில் விஜய் நடித்து வரும் ‛கோட்' படத்தில் ஹீரோயினாக நடித்து வருகிறார்.
இந்நிலையில் சமீபத்தில் தனது குடும்பத்தாருடன் தாய்லாந்து நாட்டிற்கு சுற்றுலா சென்றிருந்த மீனாட்சி சவுத்ரி, அங்கு ஒரு ட்ரெயினரிடம் பாக்சிங் பயிற்சி பெற்றுள்ளார். அது குறித்த புகைப்படங்களை அவர் தனது சோசியல் மீடியாவில் வெளியிட்டு இருக்கிறார். கோட் படத்திற்காக அவர் இந்த பயிற்சியை எடுத்தாரா? இல்லை ஒரு தற்காப்பு கலையை தெரிந்து வைத்துக்கொள்வோம் என்பதற்காக பயிற்சி எடுத்துள்ளாரா? என்பது தெரியவில்லை.