அஜித் ரசிகர்களின் கனவான ‘
வலிமை
‘ பட ரிலீஸ் இன்னும் சில தினங்களில் நடைபெற உள்ளது. இதற்காக வெறித்தனமாக தயார் ஆகி வருகின்றனர் ரசிகர்கள். ‘வலிமை’ படத்தின் வெளியீட்டை தொடர்ந்து அடுத்தடுத்து புதுபுது புரோமோவாக வெளியிட்டு வருகிறார் போனி கபூர். இந்நிலையில் ‘வலிமை’ பட அப்டேட்க்காக தவமிருந்த ரசிகர்கள் தற்போது அப்டேட்டே வேண்டாம் என கூறி வருகின்றனர்.
நேர்கொண்ட பார்வை படத்தின் வெற்றிக்கு பிறகு இரண்டாவது முறையாக
எச் வினோத்
இயக்கத்தில் ‘வலிமை’ படத்தில் நடித்து முடித்துள்ளார் அஜித். இந்தப்படத்தில் அஜித்திற்கு ஜோடியாக பாலிவுட் நடிகை ஹூமா குரேஷி நடித்துள்ளார். போனி கபூர் தயாரித்துள்ள இந்த படத்திற்கு யுவன்சங்கர் ராஜா இசையமைத்துள்ளார்.
இந்தப்படத்தின் மோஷன் போஸ்டர், பர்ஸ்ட் லுக், டிரெய்லர் உள்ளிட்டவை வெளியாகி ரசிகர்களிடம் பெரும் வரவேற்பை பெற்றது. அஜித்தின் லுக் இளமையாக இருப்பதாக பலரும் மோஷன் போஸ்டரை ரசிகர்கள் கொண்டாடி தீர்த்தனர். பொங்கல் வெளியீடாக ‘வலிமை’ படத்தை ரிலீஸ் செய்ய திட்டமிட்டனர் படக்குழுவினர். ஆனால் ஒமிக்ரான் வைரஸ் பாதிப்பு காரணமாக ரிலீஸ் தேதி ஒத்தி வைக்கப்பட்டது.
குடி போதையில் போலீசாரிடம் ரகளை: தமிழ் பட நடிகை அதிரடி கைது..!
அதனை தொடர்ந்து ‘வலிமை’ படம் பிப்ரவரி 24 ம் தேதி உலகம் முழுக்க ரிலீஸ் செய்யும் பணிகளில் ஈடுப்பட்டு வருகின்றனர் படக்குழுவினர். தமிழ், தெலுங்கு, கன்னடம், இந்தி ஆகிய மொழிகளில் மட்டுமல்லாமல் உலகின் பல நாடுகளிலும் ‘வலிமை’ படம் ரிலீஸ் செய்யப்பட உள்ளது. இந்நிலையில் ‘வலிமை’ படத்தின் ரிலீசை முன்னிட்டு பாடல்கள், அதிரடி ஸ்டன்ட் ஆக்ஷன் காட்சிகள் என வரிசையாக ப்ரோமோ வீடியோக்களை வெளியிட்டு வருகிறார் போனி கபூர்.
இந்த ப்ரோமோ வீடியோக்களுக்கு லைக்குகள் குவிந்து வரும் நிலையில் படத்துல உள்ள மொத்த பைட் சீனையும் புரோமோலயே விட்ருவீங்க போல. நாங்க தியேட்டர்லயே படத்தை பார்த்துக்கிறோம் என கலாய்த்து வருகின்றனர். அப்டேட் கேட்டு சண்டை போட்டவர்களையே, அப்டேட் வேண்டாம் என சொல்ல வைத்துள்ளார் போனி கபூர். ஆனாலும் வேறு சிலர் ‘இதெல்லாம் வெறும் சாம்பிள் மட்டும்தான். மெயின் பிக்சர் இதைவிட வெறித்தனமா இருக்கும்’ எனவும் கமெண்ட் அடித்து வருகின்றனர்.
தல, தளபதி ரசிகர்களையே வியக்க வைத்த எதற்கும் துணிந்தவன்!