வலிமை
படத்தின் பேச்சு கொஞ்சகொஞ்சமாக குறைந்து தற்போது ரசிகர்கள்
பீஸ்ட்
படம் பக்கம் திரும்பியுள்ளனர். அடுத்த மாதம் வெளியாகப்போகும் இப்படத்தின் மீது ரசிகர்கள் உச்சகட்ட எதிர்பார்ப்பில் இருகின்றனர்.
மாஸ்டர் படத்தை தொடர்ந்து
விஜய்
நடிக்கும் இப்படத்தை
நெல்சன்
இயக்கி இருக்கிறார். அதன் காரணமாகவே இப்படத்தின் மீதான எதிர்பார்ப்பு அதிகரித்துள்ளது. அதற்கு காரணம் கமர்ஷியல் படங்களில் நடித்துவரும் விஜய் கமர்ஷியல் படங்களிலிருந்து சற்று மாறுபட்டு படமெடுக்கும் நெல்சனுடன் கூட்டணி அமைத்துள்ளதுதான்.
தனுஷை விடாது துரத்தும் சோதனைகள்..வருத்தத்தில் தனுஷ் ரசிகர்கள்..!
அவரது முந்தைய படங்களான கோலமாவு கோகிலா மாற்றம் டாக்டர் படங்கள் டார்க் காமெடி வகையை சார்ந்தது. எனவே விஜய்க்கும் காமெடி நன்றாக ஒர்கவுட் ஆகும் என்பதால் இப்படம் கமர்ஷியல் மற்றும் டார்க் காமெடி படமாக உருவாகியுள்ளதாக தகவல்கள் வந்துள்ளது.
இந்நிலையில் அடுத்த மாதம் இப்படம் வெளியாகும் என்று தேதி அறிவிக்காமல் படக்குழு தெரிவித்திருந்தது. இதையடுத்து ரசிகர்கள் படக்குழுவிடம் அப்டேட் கேட்ட வண்ணம் இருக்கின்றனர். ஆனால் படக்குழு அமைதி காத்து வருகின்றது.
எனவே ரசிகர்களே இப்படம் ஏப்ரல் மாதம் 13 ஆம் தேதி வெளியாகும் என முடிவெடுத்துவிட்டனர். அதன் விளைவாக பல ரசிகர்களும் போஸ்டர்களை வடிவமைத்து வெளியிட்டு வருகின்றனர். அவர்கள் தயாரிக்கும் போஸ்டர்கள் அதிகாரபூர்வ போஸ்டர்கள் போலவே மிகவும் தத்ருபமாக உள்ளதால் பலர் இது அதிகாரபூர்வ அறிவிப்புதான் என நம்பிவருகின்றனர்.
இந்நிலையில் பலரும் பீஸ்ட் படத்திற்காக ரிலீஸ் தேதியுடன் ரசிகர்கள் தயாரித்த போஸ்ட்டரை பதிவிட்டு .வருகின்றனர். ஆனால் அது அதிகாரபூர்வ போஸ்டரா இல்லை ரசிகர்கள் தயாரித்த போஸ்டரா என ரசிகர்கள் குழப்பத்தில் இருக்கின்றனர். எனவே படக்குழு அதிகாரபூர்வமாக அறிவித்தால் மட்டுமே இந்த குழப்பத்திற்கு ஒரு முடிவு எட்டப்படும் என்பது குறிப்பிடத்தக்கது.