மெம்மரி லாஸ் நோயால் அவதிப்படும் சிறுமியை மருத்துவமனையில் சந்தித்த மம்முட்டி
மெம்மரி லாஸ் என்பது ஒரு நினைவு மறக்கும் நோயாகும். இது பொதுவாக முதியவர்களுக்கு ஏற்படக்கூடியது. அரிதாக மற்றவர்களையும் பாதிக்கும், மிகவும் அரிதாக குழந்தைகளை பாதிக்கும். அப்படி இந்த நோயால் பாதிக்கப்பட் ஆராதிகா என்ற சிறுமி கொச்சியில் உள்ள தனியார் மருத்துவமனையில் சிகிச்சை பெற்று வருகிறார்.
அவர் மம்முட்டியின் தீவிர ரசிகை. அவரை நினைவில் மறக்கும் முன்பாக பார்க்க விரும்பி உள்ளார். அவரது பிறந்த நாளும் வந்தது. இதனால் அவர் “மம்முட்டி அங்கிள் என் பிறந்த நாளுக்கு என்னை பார்க்க வருவீர்களா?” என்று கேட்டு ஒரு வீடியோ வெளியிட்டிருந்தாள். இந்த வீடியோ வைரல் ஆனது.
இதுகுறித்து தகவல் அறிந்த மம்முட்டி மருத்துவமனைக்கு சென்று அந்த சிறுமியை சந்தித்து பிறந்த நாள் வாழ்த்து சொன்னார். தற்போது மம்முட்டி ஆராதிகாவை சந்தித்த வீடியோ வைரலாகி உள்ளது.