தெலுங்கு திரையுலகின் மாஸ் நடிகரான நந்தமுரி பாலகிருஷ்ணா நடிப்பில் உருவாகியுள்ள 107வது படம் ‘வீர சிம்ஹா ரெட்டி’. கோபிசந்த் மல்லினேனி இயக்கியுள்ள இந்தப்படம் தெலுங்கில் விஜய்யின் வாரிசுடுக்கு போட்டியாக கடந்த பொங்கலுக்கு வெளியானது.
‘வீர சிம்ஹா ரெட்டி’ படத்தில் பாலகிருஷ்ணாவுக்கு ஜோடியாக நடிகை ஸ்ருதிஹாசன் நடித்துள்ளார். இவர்களுடன் இந்த படத்தில் நடிகை வரலட்சுமி சரத்குமார், ஹனிரோஸ், துனியா விஜய் உள்ளிட்டோர் முக்கிய கதாபாத்திரங்களில் நடித்தனர். ‘அகண்டா’ படத்திற்கு கிடைத்த வரவேற்பை தொடர்ந்து இந்தப்படத்திலும் இரட்டை வேடங்களில் நடித்துள்ளார் பாலகிருஷ்ணா.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘வீர சிம்ஹா ரெட்டி’ படத்தில் ஒரு பாலகிருஷ்ணாவுக்கு அப்பாவாகவும், இன்னொருவருக்கும் அம்மாவாகவும் நடித்திருந்தனர். இதனை கலாய்த்து இணையத்தில் பல மீம்ஸ் பறந்தது. இந்த ட்ரோல் அனைத்தையும் தாண்டி ‘வீர சிம்ஹா ரெட்டி’ படம் உலகம் முழுவதும் 125 கோடி வசூல் செய்து உள்ளதாக கூறப்படுகிறது.
Thalapathy 67: லோகேஷுக்காக ஆண்டவர் செய்யப்போகும் காரியம்: பரபரக்கும் திரையுலகம்.!
இந்நிலையில் இந்தப்படத்தின் வெற்றி விழா சமீபத்தில் கொண்டாடப்பட்டது. இதில் படக்குழுவினர் மற்றும் சிறப்பு விருந்தினர் கலந்து கொண்டனர். இந்த சக்சஸ் பார்ட்டியில் பாலகிருஷ்ணா உடன் அவருடன் நடித்த நடிகை ஹனிரோஸ் கலந்து கொணடார். அப்போது இருவரும் கைகோர்த்துக்கொண்டு ரொமான்டிக்காக மது குடிக்கும் புகைப்படம் இணையதளங்களில் தீயாக பரவி வருகிறது.
இந்த புகைப்படத்தை நெட்டிசன்கள் கடுமையாக விமர்சனம் செய்து வருகின்றனர். மற்றவர்களுக்கு முன்னுதாரணமாக நடந்து கொள்ள வேண்டிய 62 வயதான ஒரு மூத்த நடிகர் இவ்வாறு நடந்து கொள்ளலாமா? என்று திட்டி தீர்த்து வருகின்றனர். ‘வீர சிம்ஹா ரெட்டி’ பட வெற்றியை தொடர்ந்து மீண்டும் பாலகிருஷ்ணா, ஹனி ரோஸ் இணைந்து நடிக்கவுள்ளது குறிப்பிடத்தக்கது.
Breaking: விஜய் சேதுபதி பட நடிகர் திடீர் மரணம்: திரையுலகினர் அதிர்ச்சி.!