அஜித்
வெற்றி அஜித் நடிப்பில் வெளியான வலிமை திரைப்படம் எதிர்பார்த்த வெற்றியை பெறவில்லை. என்னதான் இப்படம் வசூல் ரீதியாக மிகப்பெரிய வெற்றியை பெற்றது என சொன்னாலும் கலவையான விமர்சனங்களையே பெற்றது. எனவே தன் அடுத்த படத்தை மிகப்பெரிய வெற்றிப்படமாக கொடுக்கும் முனைப்பில் இருந்தார் அஜித். அந்த வகையில் வினோத் மற்றும் அஜித் இணையும் மூன்றாவது படமாக துணிவு சமீபத்தில் பொங்கல் பண்டிகையை முன்னிட்டு திரையில் வெளியானது.
மகிழ்ச்சியில் அஜித் பொங்கல் பண்டிகைக்கு விஜய்யின் வாரிசு திரைப்படமும் அஜித்தின் துணிவு படமும் மோதின. பல ஆண்டுகளுக்கு பிறகு அஜித் மற்றும் விஜய்யின் படங்கள் ஒரே சமயத்தில் மோதுவதால் இம்முறை பலத்த போட்டி நிலவியது. இந்நிலையில் சமூகம் சார்ந்த கருத்தோடு கூடிய ஆக்ஷன் திரில்லர் படமாக வெளியான துணிவு ரசிகர்களின் அமோகமான வரவேற்பை பெற்றது. வசூல் ரீதியாகவும் விமர்சன ரீதியாகவும் மிகப்பெரிய வெற்றியை பெற்ற துணிவு படத்தினால் அஜித் தற்போது மகிழ்ச்சியில் இருக்கின்றார்
நீக்கப்பட்ட விக்னேஷ் சிவன் அஜித் துணிவு படத்திற்கு பிறகு விக்னேஷ் சிவனின் இயக்கத்தில் AK62 திரைப்படத்தில் நடிக்கவுள்ளார். இந்த செய்தி எட்டு மாதங்களுக்கு முன்னரே அதிகாரபூர்வமாக லைக்கா நிறுவனத்தால் அறிவிக்கப்பட்டது. மேலும் இப்படத்தில் அரவிந்த் சாமி , சந்தானம் முக்கியமான கதாபாத்திரங்களில் நடிப்பதாகவும் பேசப்பட்டது. இந்நிலையில் திடீரென AK62 திரைப்படத்திலிருந்து விக்னேஷ் சிவன் நீக்கப்பட்டதாகவும், வேறொரு இயக்குனர் அஜித்தை இயக்கவுள்ளதாகவும் தகவல்கள் பரவின. இது உண்மையா இல்லை வதந்தியா என்பது தெரியாமல் அஜித் ரசிகர்கள் குழம்பினர்
காரணம் இந்நிலையில் விக்னேஷ் சிவன் AK62 படத்திலிருந்து நீக்கப்பட்டதற்கான காரணம் என்ன என்பது பற்றிய தகவல் தற்போது வெளியாகிவுள்ளது. என்னவென்றால் விக்னேஷ் சிவன் அஜித்திடம் AK62 படத்திற்கான கதையை கூறியுள்ளார். ஆனால் அக்கதை அஜித்திற்கு பிடிக்கவில்லை. எனவே வேறொரு கதையை தயார் செய்யும்படி விக்னேஷ் சிவனை அறிவுறுத்தியுள்ளார் அஜித். இருப்பினும் விக்னேஷ் சிவன் இக்கதையை லைக்கா நிறுவனத்திடம் கூறியுள்ளார். கதையை கேட்ட லைக்கா கடுமையான கோபத்திற்கு ஆளானார்களாம். கதையை தயார் செய்ய எட்டு மாதங்கள் நேரம் கொடுக்கப்பட்டபோதும் ,விக்னேஷ் சிவன் சரியான கதையை உருவாக்காமல் ,சாதாரண கதையை அவர்களிடம் கூறியுள்ளாராம். இதனால் கடுமையான கோபத்திற்கு ஆளான லைக்கா நிறுவனம் விக்னேஷ் சிவனை விளாசி தள்ளினார்களாம். இதன் காரணமாகவே அவரை படத்திலிருந்து நீக்கியதாக ஒரு தகவல் வெளியாகியுள்ளது குறிப்பிடத்தக்கது