Night Unlimited Prepaid Plan என்ற திட்டத்தின் டேட்டா அளவை சத்தமில்லாமல் BSNL நிறுவனம் குறைத்துவிட்டது. இந்த நிறுவனத்தின் 599 ரூபாய் அன்லிமிடெட் திட்டம் மிகவும் பிரபலமான திட்டங்களில் ஒன்றாக இருந்துவருகிறது. இந்த திட்டம் மூலமாக பயனர்களுக்கு தினசரி 5GB டேட்டா கிடைத்துவந்தது. இதுபோல வேறு எந்த ஒரு டெலிகாம் சேவை நிறுவனங்களும் இந்த 5 GB டேட்டா அளவிற்கு வழங்குவதில்லை.
BSNL 599 திட்டம்
இந்த திட்டத்தை Work From Home திட்டம் என்று BSNL அழைக்கிறது. இந்த மூலமாக அன்லிமிடெட் வாய்ஸ் காலிங், நேஷனல் ரோமிங் வசதி உள்ளது. ஒரு நாளைக்கு நாம் 3GB வரை அதிவேகமான டேட்டா பயன்படுத்தலாம். அதன் பிறகு இணைய வேகம் 40KBPS என்ற அளவிற்கு குறைந்துவிடும்.
இதில் நமக்கு ஒரு நாளைக்கு 100SMS சேவை, இலவசமான BSNL Hello Tune, Zing Music, Astrocell மற்றும் இரவு 12 மணிமுதல் அதிகாலை 5 மணி வரவு இலவசமான அன்லிமிடெட் டேட்டா கிடைக்கும். இதில் OTT திட்டங்கள் எதுவும் இல்லை.
இதுவரை ஒருநாளைக்கு 5GB டேட்டா வழங்கிய BSNL இப்போது அதை குறைத்து 3GB மட்டுமே வழங்குகிறது. இது பயனர்களை அதிர்ச்சி அடையவைத்துள்ளது. ஆனால் இன்னமும் Night unlimited free Data திட்டம் அப்படியே உள்ளது.
விரைவில் BSNL 4G
இந்தியாவில் மற்ற டெலிகாம் சேவை நிறுவனங்களான Airtel, Jio, Vi போன்ற நிறுவனங்கள் 4G சேவை வழங்கி இப்போது 5G சேவைக்கு மாறிவிட்டாலும் BSNL இன்னமும் 3G சேவையில் மட்டுமே உள்ளது. ஆனால் இந்த ஆண்டு இறுதிக்குள் 4G சேவை வழங்க BSNL திட்டமிட்டுள்ளது.
இதற்கான பாகங்களை ஏற்கனவே BSNL நிறுவனம் ஆர்டர் செய்துவிட்டது. அவை கிடைத்ததும் BSNL நிறுவனத்தின் மின்கோபுரங்களில் அவை இணைக்கப்பட்டு 4G மற்றும் 5G சேவை வழங்கப்படும். இந்த திட்டத்தை முதல் கட்டமாக பஞ்சாப் மாநிலத்தில் 3 மாவட்டங்களில் அமல்படுத்தி இந்த 4G சேவையை சோதனை செய்ய BSNL திட்டமிட்டுள்ளது.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்