‘ஜவான்’ படம் நேற்றைய தினம் திரையரங்குகளில் வெளியாகி உள்ளது. பாலிவுட் சினிமாவில் முதல் படமே ஷாருக்கானை வைத்து இயக்கி அங்கும் தனது வெற்றி கொடியை நாட்டியுள்ளார் அட்லீ. நேற்று வெளியாகியுள்ள ‘ஜவான்’ ஒரு சில நெகட்டிவ் விமர்சனங்களை குவித்தாலும் வசூலில் பட்டையை கிளப்பி வருகிறது.
தமிழ் சினிமாவில் இயக்குனராக தொடர் வெற்றியை குவித்தவர் அட்லீ. இவர் எடுத்த அனைத்து படங்களும் ஹிட். குறிப்பாக தளபதி விஜய்யை வைத்து தொடர்ச்சியாக தெறி, பிகில், மெர்சல் படங்களை இயக்கி ஹாட்ரிக் ஹிட் கொடுத்தார். இதனாலே விஜய் ரசிகர்களின் பேவரைட் இயக்குனராக வலம் வந்தார் அட்லீ.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தான் ஷாருக்கானை வைத்து படம் இயக்க பாலிவுட் பக்கம் சென்றார் அட்லீ. ஆனால் இந்தப்படம் துவங்க நீண்ட காலம் ஆனது. அட்லீயும் நம்பிக்கையுடன் பொறுமையாக காத்திருந்தார். அதன்பின்னர் ஒரு வழியாக ஷாருக்கானின் ரெட் சில்லீஸ் நிறுவனத்தின் தயாரிப்பில் அவருடைய நடிப்பில் ‘ஜவான்’ படம் துவங்கியது.
பாலிவுட் படம் என்றாலும் விஜய் சேதுபதி, நயன்தாரா, யோகி பாபு, பிரியாமணி என தமிழ் சினிமாவுக்கு பரிட்சயமான முகங்களை வைத்தே ‘ஜவான்’ படத்தை இயக்கினார். மேலும் இந்தப்படம் மூலமாக அனிருத் இந்தி சினிமாவில் நுழைந்துள்ளார். இந்நிலையில் தான் பெரும் எதிர்பார்ப்புக்கு மத்தியில் நேற்றைய தினம் உலகம் முழுவதிலும் ‘ஜவான்’ படம் வெளியாகியுள்ளது.
‘ஜவான்’ படம் செய்த வரலாற்று சாதனை: முதல் நாளே ரூ. 129 கோடி வசூல்.!
பாலிவுட் சினிமாவில் ஷாருக்கான் படம் ரிலீஸ் என்றவுடன் ரசிகர்கள் கொண்டாட ஆரம்பித்து விட்டனர். அது மட்டும் இல்லாமல் தமிழ் ஆடியன்ஸ் மத்தியிலும் படத்திற்கு நல்ல ஓபனிங் கிடைத்துள்ளது. பாக்ஸ் ஆபிஸிலும் தொடர்ச்சியாக வசூல் வேட்டை நடத்தி வருகிறது ‘ஜவான்’. முதல் நாளிலே ரூ. 129.6 கோடியை வசூலித்துள்ளதாக படக்குழுவினர் அதிகாரப்பூர்வமாக அறிவித்தனர்.
இதன் மூலம் பாலிவுட்டில் முதல் நாளில் அதிக வசூல் செய்த படம் என்ற சாதனையை படைத்தது ‘ஜவான்’. இந்நிலையில் இரண்டாவது நாளில் ரூ. 100 கோடிக்கு மேல் வசூலித்துள்ளதாக கூறப்படுகிறது. இதன்மூலம் இரண்டே நாளில் ரூ. 200 கோடிக்கு மேல் வசூலித்து சாதனை படைத்துள்ளது ‘ஜவான்’. வார இறுதி நாளான இன்றும் நாளையும் படத்தின் வசூல் மேலும் அதிகரிக்கும் என எதிர்பார்க்கப்படுகிறது.
‘ஜவான்’ ரிலீஸ்: அடுத்த நாலு மாசத்துக்கு என் கால்ஷீட் இவுங்களுக்கு தான் – அட்லீ
மேலும், ‘ஜவான்’ ரூ. 1000 கோடி வசூல் செய்யும் எனவும் எதிர்பார்க்கப்படுகிறது. பாலிவுட்டில் முதல் படத்திலே அட்லீ செய்து வரும் சாதனை ரசிகர்கள் மத்தியில் கொண்டாட்டத்தை ஏற்படுத்தியுள்ளது. இதனிடையில் ‘ஜவான்’ படத்திற்கு நெகட்டிவ் விமர்சனங்களும் குவிந்து வருகிறது.
அட்லீ இதுவரை இயக்கிய படங்களின் சாயல் படத்தில் எக்கச்சக்கமாக இருப்பதாகவும் பலர் ட்ரோல் செய்து வருகின்றனர். ஆனாலும் கமர்ஷியல் ரீதியாக ஜவானில் அட்லீ மிகப்பெரிய ஹிட் கொடுத்துள்ளதாகவும் ரசிகர்கள் பாசிட்டிவ் விமர்சனங்களும் கொடுத்து வருகின்றனர்.