‛மாமனிதன்' படம் பார்த்த மத்திய அமைச்சர்
சீனு ராமசாமி இயக்கத்தில் விஜய்சேதுபதி, காயத்ரி நடித்த படம் மாமனிதன். யுவன் சங்கர் ராஜா இசை அமைத்து தயாரித்திருந்தார். சந்தர்ப்ப சூழ்நிலையால் குடும்பத்தை விட்டு பிரிய நேர்ந்த குடும்பத் தலைவர், கண்ணுக்கு எட்டாத தூரத்தில் இருந்து கொண்டே அந்த குடும்பத்தை எப்படி வாழ வைக்கிறார் என்பதுதான் படத்தின் கதை. பல்வேறு விருதுகளையும், பாராட்டுகளையும் குவித்த இந்த படம் தற்போது ஓடிடியில் காணக் கிடைக்கிறது.
இந்த நிலையில் இந்த படத்தை மத்திய அமைச்சர் எல்.முருகன் பார்க்க விரும்பியுள்ளார். அவருக்கு தனிகாட்சியாக படத்தை போட்டு காட்டினர் இயக்குனர் சீனு ராமசாமி. படத்தை பார்த்த மத்திய அமைச்சர் எல்.முருகன் “மாமனிதனை பார்த்து பல இடங்களில் நெகிழ்ந்தேன். இந்த படம் பெற்ற சர்வதேச விருதுகளுக்கு எனது பாராட்டுகள். வெற்றியை கொடுத்த மக்களுக்கு நன்றி” என்றார்.