அஜித் நடிப்பில் வினோத்தின் இயக்கத்தில் சமீபத்தில் துணிவு திரைப்படம் வெளியானது. வினோத்தின் இயக்கத்தில் அஜித் நடிக்கும் முன்றாவது திரைப்படம் தான் துணிவு. கடைசியாக வெளியான வலிமை திரைப்படம் கலவையான விமர்சனங்களை பெற்று எதிர்பார்த்த வெற்றியை பெறாமல் போனது.
இதையடுத்து தற்போது பொங்கல் பண்டிகையை முன்னிட்டு வெளியான துணிவு திரைப்படம் ரசிகர்களின் அமோகமான வரவேற்பை பெற்றது. சமூகம் சார்ந்த கருத்தோடு கூடிய ஆக்ஷன் திரில்லர் படமாக வெளியான துணிவு ரசிகர்களின் பேராதரவை பெற்று வசூலிலும் மிகப்பெரிய வெற்றியை பதிவு செய்தது.
Rajini: என் புகைப்படத்தை யாரும் பயன்படுத்தக்கூடாது..மீறினால் நடவடிக்கை..ரஜினி அதிரடி..!
இந்நிலையில் அஜித் அடுத்ததாக விக்னேஷ் சிவனின் இயக்கத்தில் ak62 திரைப்படத்தில் நடிக்க இருந்தார். ஆனால் கடந்த சில நாட்களாக AK62 படத்திலிருந்து விக்னேஷ் சிவன் நீக்கப்பட்டதாக செய்திகள் தீயாய் பரவின.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
விக்னேஷ் சிவனின் கதையில் திருப்தி இல்லாத காரணத்தால் அவரை நீக்கிவிட்டு வேறொரு இயக்குனரை தயாரிப்பு நிறுவனம் தேர்ந்தெடுத்து வருவதாக செய்திகள் வந்தன. ஆனால் இதைப்பற்றி எந்த ஒரு அதிகாரபூர்வமான தகவலும் வெளியாகவில்லை.
இதையடுத்து AK62 திரைப்படத்தை விஷ்ணு வர்தன் இயக்கவுள்ளார் என பேசப்பட்டு வந்தது. ஆனால் விஷ்ணு வர்தன் அடுத்ததாக பாலிவுட் படத்தை இயக்கவுள்ளதால் அவர் AK62 படத்தை இயக்க வாய்ப்பில்லை என்பது தற்போது உறுதியாகியுள்ளது.
இந்நிலையில் தற்போது மகிழ் திருமேனி தான் அஜித்தை இயக்கவுள்ளார் எனவும் பேசப்பட்டு வருகின்றது. ஆனால் இதுகுறித்து படக்குழு அதிகாரபூர்வமான அறிவிப்பை வெளியிட்டால் தான் உண்மை தெரியவரும் என்பது குறிப்பிடத்தக்கது.