ரஜினி நடிப்பில் தற்போது ‘ஜெயிலர்’ படம் உருவாகி வருகிறது. நெல்சன் திலீப்குமார் இயக்கும் இந்தப்படத்தை சன் பிக்சர்ஸ் நிறுவனம் தயாரித்து வருகிறது. ‘அண்ணாத்த’ படத்திற்கு பிறகு வெளியாகவுள்ள ரஜினி படம் என்பதால் ரசிகர்கள் நீண்ட எதிர்பார்ப்பில் உள்ளனர். இந்நிலையில் ‘ஜெயிலர்’ படத்தில் ரஜினியுடன் நடித்த அனுபவம் குறித்து நடிகை தமன்னா பகிர்ந்துள்ள தகவல் சோஷியல் மீடியாவில் வைரலாகி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
கடந்த 2021 ஆம் ஆண்டு ரஜினி நடிப்பில் ‘அண்ணாத்த’ படம் வெளியானது. சிறுத்தை சிவா இயக்கத்தில் உருவாகியிருந்த இந்தப்படத்தில் நயன்தாரா, கீர்த்தி சுரேஷ், மீனா, குஷ்பு உள்ளிட்டோர் நடித்திருந்தனர். சிவாவின் வழக்கமான பேமிலி செண்டிமென்ட் பாணியில் அண்ணன், தங்கச்சி பாசத்தை மையமாக வைத்து இந்தப்படம் வெளியானது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மிகுந்த எதிர்பார்ப்பிற்கு மத்தியில் ரிலீசான ‘அண்ணாத்த’ படம் பல நெகட்டிவ் விமர்சனங்களை குவித்தது. இதனையடுத்து தற்போது ஜெயிலரில் நடித்து வருகிறார் ரஜினி. கோலமாவு கோகிலா, டாக்டர் போன்ற டார்க் காமெடி படங்களை இயக்கிய நெல்சன் இயக்கத்தில் முதன்முறையாக ரஜினி நடிப்பது ரசிகர்கள் மத்தியில் எக்கச்சக்கமான எதிர்பார்ப்பினை கிளப்பியுள்ளது.
நெல்சன் இயக்கத்தில் கடைசியாக ‘பீஸ்ட்’ படம் வெளியாகியிருந்தது. விஜய் நடிப்பில் மிகுந்த எதிர்பார்ப்பிற்கு மத்தியில் ரிலீசான இந்தப்படம் பல ட்ரோல்களை சந்தித்தது. இதனால் ‘ஜெயிலர்’ படத்தை எப்படியாவது ஹிட்டாக்கி விட வேண்டும் என்ற முனைப்போடு செயல்பட்டு வருகிறார் நெல்சன் திலீப்குமார். ஆக்ஷன் ஜானரில் உருவாகி வரும் இந்தப்படத்தின் படப்பிடிப்பு கடந்த சில மாதங்களாக விறுவிறுப்பாக நடந்து வந்தது.
Leo: விஜய் பிறந்தாளுக்கு ஒன்னு இல்ல டபுள் ட்ரீட்: வெளியான கொல மாஸ் தகவல்.!
இந்நிலையில் ‘ஜெயிலர்’ படத்தில் ரஜினியுடன் நடித்த நடிகை தமன்னா அளித்துள்ள பேட்டி ஒன்று இணையத்தில் வைரலாகி வருகிறது. அதில், ரஜினியுடன் நடிக்க வேண்டும் என்ற பல வருட கனவு நனவாகியுள்ளது. இந்தப்படத்தின் படப்பிடிப்பின் போது ரஜினிகாந்த் எனக்கு ஆன்மீக பயணத்திற்கான புத்தகம் ஒன்றை பரிசாக அளித்தார். அதில் கையெழுத்தும் போட்டு கொடுத்துள்ளார். ‘ஜெயிலர் படப்பிடிப்பில் நான் கழித்த நாட்களின் நினைவுகளை எப்போதும் மகிழ்ச்சியுடன் நினைத்து ரசிப்பேன் என பெருமையுடன் தெரிவித்துள்ளார் தமன்னா.
‘ஜெயிலர்’ படத்தில் நீண்ட இடைவேளைக்கு பிறகு ரஜினியுடன் இணைந்து ரம்யா கிருஷ்ணன் நடித்து வருகிறார். இவர்களுடன் தமன்னா, வசந்த் ரவி, யோகி பாபு, விநாயகன் உள்ளிட்டோரும் நடிக்கின்றனர். மேலும், பிரபல மலையாள நடிகர் மோகன்லால், கன்னட நடிகர் சிவராஜ்குமார், பாலிவுட் பிரபலம் ஜாக்கி ஷெரப் உள்ளிட்டோர் இணைந்து நடித்து வருகின்றனர். ‘ஜெயிலர்’ படம் வரும் ஆகஸ்ட் 10 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.
Leo: ‘லியோ’ படத்திற்காக தளபதி செய்துள்ள காரியம்: தரமான ட்விஸ்ட் இருக்கு.!