Hows this week going? Weekly result and remedy for 12 zodiac signs | இந்த வாரம் எப்படி இருக்கும்? 12 ராசிகளுக்கான வார பலனும் பரிகாரமும்

சென்னை: வெள்ளி முதல் வியாழன் வரை (12.1.2024 முதல் 18.1.2024 வரை) இந்த வாரம் எந்த ராசிக்கு என்ன பலன்? உங்கள் ராசிக்கான பலனும் இந்த வாரம் செய்ய வேண்டிய பரிகாரமும் காணுங்கள்.

மேஷம்

கேது, சூரியன், சனி நன்மைகளை வழங்குவர். அனுமனை வழிபட அல்லல் விலகும்.

அசுவினி: ஆறாமிடத்தில் சஞ்சரிக்கும் நட்சத்திரநாதன் கேதுவால் எதிர்பார்ப்பு பூர்த்தியாகும். செயல் வெற்றியாகும். முயற்சி பலிதமாகும். ஆரோக்கியம் சீராகும். வெளிநாட்டு தொடர்புகள் ஆதாயத்தை உண்டாக்கும். வழக்கு விவகாரம் சாதகமாகும்.

பரணி: திங்கள் முதல் சூரியன் பத்தாமிடத்தில் சஞ்சரிப்பதால் அரசு வழி செயல்களில் இருந்த தடை விலகும். அரசிடம் எதிர்பார்த்த அனுமதி கிடைக்கும். வியாபாரத்தில் லாபம் அதிகரிக்கும். திட்டமிட்டிருந்த பணி இனிதே நடந்தேறும். செலவிற்கேற்ற வருமானம் ஏற்படும். கலைத்துறையினருக்கு புதிய வாய்ப்பு வரும்.

கார்த்திகை 1ம் பாதம்: கடந்த வாரத்தில் உண்டான சங்கடம் விலகும். லாப சனியால் தொழில் முன்னேற்றம் அடையும். வியாபாரத்தை விரிவு செய்வீர். உத்தியோகத்தில் ஏற்பட்ட பிரச்னை முடிவிற்கு வரும். வழக்கு விவகாரம் சாதகமாகும். எதிர்ப்பு விலகும். திருமண வயதினருக்கு வரன் தேடி வரும்.

ரிஷபம்

புதன், ராகு நன்மைகளை வழங்குவர். மகாலட்சுமியை வழிபட கவலை விலகும்.

கார்த்திகை 2,3,4: நட்சத்திர நாதன் திங்கள் முதல் பாக்கிய ஸ்தானத்தில் சஞ்சரிக்கிறார். இதனால் செயல்களில் இருந்த நெருக்கடி நீங்கும். அரசு விவகாரங்களில் தடைகள் விலகும்.

ரோகிணி: கடந்த வாரத்தில் ஏற்பட்ட நெருக்கடி நீங்கும். தொழிலில் அக்கறை அதிகரிக்கும். பணியிடத்தில் இருந்த நெருக்கடி விலகும். எதிர்பார்த்தவற்றில் நன்மையான பலன் உண்டாகும். பணியாளர்கள் பணியில் கவனம் செலுத்துவது நல்லது.

மிருகசீரிடம் 1,2: பதினொன்றாமிட ராகுவால் எதிர்பார்ப்பு நிறைவேறும். வியாபாரத்தில் லாபம் அதிகரிக்கும். வெளிநாட்டு வியாபாரத்தில் இருந்த தடை விலகும். பொன் பொருள், வாகனச் சேர்க்கை உண்டாகும். எதிர்பார்த்த தகவல் வரும். கலைஞர்களுக்கு ஒப்பந்தங்கள் உண்டாகும்.

மிதுனம்

சனி, குரு நன்மைகளை வழங்குவர். சனிக்கிழமையன்று நவகிரகங்களை வழிபட சங்கடம் விலகும்.

மிருகசீரிடம் 3, 4: வாரத்தின் முதல் நாளில் உங்கள் செயல்களில் எதிர்பாராத நெருக்கடி தோன்றும். அதன்பிறகு முயற்சி வெற்றியாகும். வியாபாரத்தில் போட்டியாளர் விலகிச் செல்வார். பணிபுரியும் இடத்தில் ஏற்பட்ட நெருக்கடி குறையும்.

திருவாதிரை: வாரத்தின் முதல் இரண்டு நாட்களும் முயற்சிகளில் தடைகளும் தேவையற்ற பிரச்னைகளும் தோன்றும். செயல்களில் நிதானம் அவசியம். ஞாயிறு முதல் எதிர்பார்ப்பு நிறைவேறும். எதிர்ப்பு விலகும். வராமல் இருந்த பணம் வசூலாகும். முயற்சிக்கேற்ப லாபம் உண்டாகும்.

புனர்பூசம் 1,2,3: சனிக்கிழமை சில தடைகளை சந்திப்பீர். அதன்பின் உங்கள் முயற்சிக்கேற்ப லாபம் உண்டாகும். வேலை தேடியவருக்கு புதிய வேலை அமையும். பிறரால் ஆதாயம் அதிகரிக்கும். துணிச்சலுடன் செயல்பட்டு நினைத்ததை சாதிப்பீர்.

கடகம்

கேது, சுக்கிரன், புதன், செவ்வாய் நன்மைகளை வழங்குவர். சனீஸ்வரருக்கு நல்லெண்ணெய் தீபம் ஏற்றி வழிபட அஷ்டம சனியின் பாதிப்பு குறையும்.

புனர்பூசம் 4: கடந்த வார நெருக்கடி விலகும். உங்கள் முயற்சி நிறைவேறும். வியாபாரத்தை விரிவு செய்வீர். தொழிலில் இருந்த தடை நீங்கும். நிதி நிலை உயரும். ஒரு சிலர் புதிய சொத்து வாங்குவீர். ஞாயிறு அன்று செயல்களில் கவனம் தேவை.

பூசம்: சனி ஆட்சியாக சஞ்சரிப்பதால் பணியாளர்கள் எச்சரிக்கையாக செயல்பட வேண்டும். இந்த வாரத்தில் உங்கள் சமயோசித செயல்பாடுகளால் முயற்சிகள் பலிதமாகும். நீண்டநாள் எண்ணம் நிறைவேறும். வழக்கில் சாதக நிலை உண்டாகும். சங்கடம் நீங்கும். ஞாயிறு, திங்களில் விழிப்புணர்வு அவசியம்.

ஆயில்யம்: மூன்றாமிட கேதுவும் ஆறாமிட செவ்வாய் புதனும் உங்கள் செயல்களை வெற்றியாக்குவர். செல்வாக்கை உயர்த்தி முன்னேற்றத்தை உண்டாக்குவர். ஒரு சிலருக்கு புதிய வேலை அமையும். எதிர்பார்த்த நன்மைகளை அடைவீர். திங்கள் செவ்வாயில் செயல்களில் கவனம் தேவை.

சிம்மம்

சுக்கிரன், சூரியன், குரு நன்மைகளை வழங்குவர். கால பைரவரை வழிபட பயம் போகும்.

மகம்: ஏழில் சனி, எட்டாமிடத்தில் ராகு சஞ்சரித்தாலும் குருவின் பார்வையால் சங்கடம் இல்லாமல் போகும். உங்கள் செல்வாக்கு உயரும். குலதெய்வ அருளால் விருப்பம் நிறைவேறும். செவ்வாய் அன்று புதிய முயற்சிகளைத் தள்ளி வைப்பது நல்லது.

பூரம்: உறவினர்கள் உதவியால் உங்கள் எண்ணம் நிறைவேறும். ஒரு சில செயல்களை யோசிக்காமல் செய்து அதில் லாபம் அடைவீர். உங்கள் செல்வாக்கு உயரும். வருமானம் அதிகரிக்கும். புதன் அன்று செயல்களில் சில சங்கடம் தோன்றி மறையும்.

உத்திரம் 1: பாக்கிய குருவால் உங்கள் செல்வாக்கு உயரும். விருப்பம் நிறைவேறும் வாரம் இது. திங்கள் முதல் எதிர்ப்பு அகலும். வழக்கு விவகாரம் சாதகமாகும். செயல்களில் லாபம் காண்பீர். புதிய பொருள் சேர்க்கை உண்டாகும். புதன், வியாழனில் விழிப்புணர்வு தேவை.

கன்னி

சுக்கிரன், சனி நன்மைகளை வழங்குவர். விநாயகரை வழிபட வளம் சேரும்.

உத்திரம் 2,3,4: நீண்ட நாட்களாக தொடர்ந்து வந்த சங்கடம் விலகும். உங்கள் முயற்சி வெற்றியாகும். பொருள் சேர்க்கை அதிகரிக்கும். பூர்வீக சொத்தில் ஏற்பட்ட பிரச்னை முடிவிற்கு வரும். பிள்ளைகளால் ஏற்பட்ட நெருக்கடி நீங்கும். வியாழன் அன்று உங்கள் செயல்களில் விழிப்புணர்வு அதிகரிக்கும்.

அஸ்தம்: ஜென்ம ராசிக்குள் சஞ்சரிக்கும் கேதுவால் மனதில் குழப்பம் ஏற்பட்டாலும், ஆறாம் அதிபதியால் துணிச்சலுடன் செயல்படுவீர். நினைத்ததை சாதித்துக் கொள்வீர். ஆரோக்கியம் சீராகும். எதிரி பின் வாங்குவர்.

சித்திரை 1,2: ஏழாமிடத்தில் ராகு சஞ்சரிப்பதால் அந்நியர்களால் ஆதாயம் அதிகரிக்கும். வெளிநாட்டு முயற்சி வெற்றியாகும். வாழ்க்கைத்துணையுடன் சங்கடம் ஏற்பட்டு விலகும். ஆறாமிட சனியால் முயற்சிகளில் ஆதாயம் அதிகரிக்கும். உத்தியோகத்தில் இருப்போரின் செல்வாக்கு உயரும்.

துலாம்

சுக்கிரன், செவ்வாய், ராகு, குரு நன்மையை வழங்குவர். தட்சிணாமூர்த்தியை வழிபட தடை விலகும்.

சித்திரை 3,4: தன, குடும்ப ஸ்தானத்தில் சஞ்சரிக்கும் உங்கள் ராசிநாதனால் பொருளாதார நிலை உயரும். குடும்பத்தில் இருந்த சங்கடம் விலகும். மூன்றாமிடத்தில் சஞ்சரிக்கும் செவ்வாயால் முயற்சி வெற்றியாகும். பொன் பொருள் சேர்க்கை உண்டாகும்.

சுவாதி: தனாதிபதி மூன்றாமிடத்தில் சஞ்சரிப்பதால் பண வரவில் இருந்த தடை விலகும், முயற்சி லாபமாகும். சாதுரியமாக செயல்பட்டு நன்மை அடைவீர். ஏழாமிட குருவால் திருமண வயதினருக்கு வரன் வரும். வேலைக்காக முயற்சித்தவர்களுக்கு வேலை அமையும்.

விசாகம் 1,2,3: வியாபாரத்தில் இருந்த தடை விலகும். லாபம் அதிகரிக்கும். பனிரெண்டாமிட கேதுவால் செலவு உண்டாகும். ராகுவால் எல்லாவற்றையும் சமாளிக்கும் சக்தி உண்டாகும். நினைத்ததை சாதிப்பீர். ஒரு சிலர் புதிய இடம்,வீடு வாங்குவீர்.

விருச்சிகம்

சுக்கிரன், சூரியன், புதன், கேது நன்மையை வழங்குவர். முருகனை வழிபட முன்னேற்றம் உண்டாகும்.

விசாகம் 4: உங்கள் ராசிநாதன் தன, குடும்ப, வாக்கு ஸ்தானத்தில் சஞ்சரிப்பதால் உங்கள் விருப்பம் நிறைவேறும். எதிர்பார்ப்பு எளிதாக நிறைவேறும். நினைத்தவற்றை சாதித்து முடிப்பீர். ஜென்ம சுக்கிரனால் வரவு அதிகரிக்கும். பொன் பொருள் சேர்க்கை உண்டாகும்.

அனுஷம்: திங்கள் முதல் சூரியன் மூன்றாமிடத்தில் சஞ்சரிப்பதால் முயற்சி வெற்றியாகும். அரசு வழி செயல் ஆதாயமாகும். வியாபாரத்தில் இருந்த தடை விலகும். புதிய தொழில் தொடங்க எதிர்பார்த்த அனுமதி கிடைக்கும். குடும்பத்தில் ஏற்பட்ட நெருக்கடி விலகும்.

கேட்டை: லாபஸ்தான கேது, ஜென்ம சுக்கிரனால் சங்கடம் விலகும். எதிரிகள் உங்களை விட்டு விலகிச்செல்வர். முயற்சிகளில் ஆதாய நிலை உண்டாகும். வருமானம் பல வழிகளிலும் வர ஆரம்பிக்கும். பொன் பொருள் சேர்க்கை உண்டாகும். ஒரு சிலருக்கு புதிய சொத்து சேரும்.

தனுசு

சனி, குரு நன்மைகளை வழங்குவர். பெருமாளை வழிபட உயர்வு உண்டாகும்.

மூலம்: ராசிநாதன் குருவால் உங்கள் செல்வாக்கு உயரும். செயல்களில் லாபம் உண்டாகும். பணியில் இருப்பவர்களுக்கு எதிர்பார்த்த இடமாற்றம், பதவி உயர்வு உண்டாகும். குடும்பத்தில் இருந்த நெருக்கடி விலகும்.

பூராடம்: கடந்த வாரத்தில் ஏற்பட்ட சங்கடம் விலகும். உங்கள் முயற்சியில் ஆதாயம் உண்டாகும். துணிச்சலுடன் செயல்பட்டு விரும்பியதை அடைவீர். ஒரு சிலர் புதிய முயற்சியில் ஈடுபடுவீர். ஜென்ம ராசிக்குள் செவ்வாய் சஞ்சரிப்பதால் வேலைகளில் டென்ஷன் அதிகரிக்கும்.

உத்திராடம் 1: மூன்றாமிடத்தில் சனி ஐந்தாமிடத்தில் குரு சஞ்சரிப்பதால் எண்ணங்கள் நிறைவேறும். முயற்சி வெற்றியாகும். ஒரு சிலர் புதிய தொழில் தொடங்குவீர்கள். திருமண வயதினருக்கு வரன் வரும். அரசு வழி முயற்சி ஆதாயமாகும். அரசியல்வாதிகளுக்கு புதிய பொறுப்பு வரும்.

மகரம்

ராகு, சுக்கிரன் நன்மைகளை வழங்குவர். குலதெய்வ வழிபாடு குறைகளை நீக்கும்.

உத்திராடம் 2,3,4: உங்கள் நட்சத்திரநாதன் திங்கள் முதல் ராசிக்குள் சஞ்சரிப்பதால் வேலைபளு அதிகரிக்கும். வியாபாரம், தொழில் குறித்த சிந்தனை அதிகரிக்கும். உங்கள் லாபாதிபதி விரய ஸ்தானத்தில் சஞ்சரிப்பதால் ஒரு சிலர் தங்கள் சொத்துகளை விற்று நிலைமையை சரி செய்வீர்கள்.

திருவோணம்: மூன்றாமிட ராகுவால் முயற்சியில் முன்னேற்றம் காண்பீர். சங்கடங்களில் இருந்து விடுபடுவீர். நீங்கள் மேற்கொள்ளும் முயற்சி ஒவ்வொன்றாய் நிறைவேறும். தொழிலில் உண்டான தடை விலகும். வருமானம் அதிகரிக்கும். ஒரு சிலருக்கு உடல்நிலையில் பாதிப்பு தோன்றும்.

அவிட்டம் 1,2: குருவின் பார்வைகளால் சங்கடம் விலகும். வியாபாரத்தில் முன்னேற்றம் தோன்றும். ஒருசிலர் புதிய தொழில் தொடங்குவீர். அரசு ஊழியர்களுக்கு இடமாற்றமும் பதவி உயர்வும் ஏற்படும். வெளிநாட்டு முயற்சி வெற்றியாகும். செயல்களில் படபடப்பு உண்டாகும்.

கும்பம்

புதன், செவ்வாய் நன்மைகளை வழங்குவர். நவக்கிரக வழிபாடு சங்கடம் போக்கும்

அவிட்டம் 3,4: வாரத்தின் முதல் மூன்று நாளும் லாப சூரியனால் முயற்சி வெற்றியாகும். நெருக்கடி விலகி நன்மைகளைக் காண்பீர். பிரச்னைகளை சமாளிக்கும் அளவிற்கு உங்கள் நிலை மாறும். அரசு விவகாரங்களில் ஏற்பட்ட தடை விலகும். திங்கள் முதல் செயல்களில் விழிப்புணர்வு அவசியம்.

சதயம்: கடந்த வாரம் இருந்த சங்கடம் விலகும். அலுவலகத்தில் ஏற்பட்ட பிரச்னை முடிவிற்கு வரும். லாப செவ்வாய், புதனால் புதிய ஒப்பந்தங்களில் கையெழுத்திட்டு. இடம் வாங்குவீர்கள். உங்கள் செயல்களில் லாபம் உண்டாகும். முயற்சிகள் ஆதாயமாகும்.

பூரட்டாதி 1,2,3: குருவின் பார்வைகளால் வருமானம் அதிகரிக்கும். நண்பர்கள் உதவி உண்டாகும். பெரியோரின் துணையால் உங்கள் செயல் வெற்றியாகும். லாப செவ்வாயால் இழுபறியாக இருந்த வழக்கு சாதகமாகும். சொத்தில் ஏற்பட்ட பிரச்னை தீரும்.

மீனம்

குரு, சுக்கிரன், புதன், சூரியன் நன்மைகளை வழங்குவர். நவக்கிரகத்தில் உள்ள குரு பகவானை வழிபட சங்கடம் விலகும்.

பூரட்டாதி 4: ஏழரை சனியின் காலம் என்றாலும் ராசிநாதன் குருவின் தன ஸ்தான சஞ்சாரமும் பார்வைகளும் உங்கள் நிலையை உயர்த்தும். குடும்பத்தில் இருந்த நெருக்கடி விலகும். வருமானம் அதிகரிக்கும். அலுவலக பணியாளர்களுக்கு வேலை அதிகரிக்கும். தொழில், வியாபாரம் விருத்தியாகும்.

உத்திரட்டாதி: உங்கள் நட்சத்திர நாதன் சனி பகவான் விரய ஸ்தானத்தில் சஞ்சரித்தாலும், சூரியனின் சஞ்சார நிலைகளால் நெருக்கடி நீங்கும். உங்கள் எண்ணம் நிறைவேறும். ஜென்ம ராகு, ஏழாமிட கேதுவால் ஒரு சில பிரச்னை உருவாகும் என்பதால் எச்சரிக்கை அவசியம்.

ரேவதி: நீங்கள் மேற்கொள்ளும் முயற்சி வெற்றியாகும். அரசு வழி செயல்களில் ஆதாயம் அதிகரிக்கும். பத்தாமிடத்தில் சஞ்சரிக்கும் உங்கள் நட்சத்திர நாதனால் எதிர்பார்ப்பு நிறைவேறும். பணி புரியும் இடத்தில் உண்டான நெருக்கடி விலகும். புதிய ஒப்பந்தம் கையெழுத்தாகும்.