முத்து ரீ-ரிலீஸ் முதல் காட்சியை பார்த்து ரசித்த மீனா
சினிமா டிஜிட்டலுக்கு மாறிய பின்பு கடந்த 20 வருடங்களுக்கு முன்பு வெளியாகி மிகப்பெரிய வெற்றி பெற்ற படங்களை தற்போதைய டிஜிட்டல் வடிவத்திற்கு மாற்றி வரும் போக்கு அதிகரித்துள்ளது. அந்த வகையில் 1995ல் கே.எஸ் ரவிக்குமார் இயக்கத்தில் ரஜினிகாந்த், மீனா, சரத் பாபு நடிப்பில் வெளியான முத்து திரைப்படமும் தற்போது டிஜிட்டலுக்கு மாற்றப்பட்டு ரீ ரிலீஸ் செய்யப்பட்டுள்ளது.
முத்து பட ரிலீஸ் சமயத்தின் போது இருந்த அதே வரவேற்பு இப்போது இந்த படத்தின் ரீ ரிலீஸுக்கும் கிடைத்து வருகிறது. இந்த படத்தின் முதல் நாள் முதல் காட்சியை சென்னையில் உள்ள ரோகிணி தியேட்டரில் படத்தின் இயக்குனர் கே.எஸ் ரவிக்குமார், கதாநாயகி மீனா உள்ளிட்டோர் ஒன்றாக அமர்ந்து ரசிகர்களுடன் பார்த்து ரசித்தனர். இந்த நிகழ்வின் போது ரசிகர்களுடன் பேசிய கே.எஸ் ரவிக்குமார் அடுத்ததாக படையப்பா திரைப்படத்தையும் டிஜிட்டலுக்கு மாற்றி ரீ ரிலீஸ் செய்ய இருப்பதாக கூறி ரசிகர்களை உற்சாகப்படுத்தினார்.