பல பெரிய நிறுவனங்கள் ஒன்றுடன் ஒன்று போட்டியிடுவதால் AI போர் நடந்து கொண்டிருக்கிறது. OpenAI நிறுவனம் ChatGPT-ஐ அறிமுகப்படுத்தியதால், கூகுள் நிறுவனம் பார்டு ஏஐ களமிறக்கியது. அத்துடன் நிற்காமல் கூகிள் இப்போது இன்னும் பெரிய திட்டங்களை வைத்திருப்பதாகத் தெரிகிறது. இது இப்போது புதிய AI தொழில்நுட்பம் ஒன்றை உருவாக்கும் முயற்சியில் களமிறங்கியுள்ளது. ஜெனிசிஸ் என அழைக்கப்படும் அந்த கருவி, செய்தி உள்ளடக்கத்தை உருவாக்க உதவும். பத்திரிகையாளர்களுக்கு அவர்களின் வேலையில் உதவும் வகையில் இந்த தொழில்நுட்பம் வடிவமைக்கப்பட இருக்கிறது.
அதற்காக, நியூயார்க் டைம்ஸ், தி வாஷிங்டன் போஸ்ட் மற்றும் தி வால் ஸ்ட்ரீட் ஜர்னல் போன்ற அமெரிக்காவின் சில முன்னணி ஊடகங்களுக்கு கூகிள் ஜெனிசிஸை வழங்கியுள்ளது. வதந்திகளை கண்டறியவும், உண்மை தகவலை மக்களிடம் கொண்டு சேர்க்கவும் மற்றும் தற்போதைய நிகழ்வுகளின் முக்கிய விவரங்களை சரியான உள்ளடக்கத்துடன் உருவாக்கவும் ஜெனிசிஸ் தொழில்நுட்பம் உதவியாக இருக்கும். ஜிமெயில் மற்றும் கூகுள் டாக்ஸில் காணப்படுவது போல் வாடிக்கையாளர்களுக்கு வேலை மற்றும் உற்பத்தித்திறனை மேம்படுத்த AI கருவிகளை கூகுள் வழங்குவதால், AI-செயல்படுத்தப்பட்ட கருவிகள் பத்திரிகையாளர்களுக்கு காலத்தின் தேவை என்பதை கருத்தில் கொண்டு கூகுள் இந்த தொழில்நுட்பத்தை வடிவமைக்கிறது.
ஏஐ கருவிகளைப் பொறுத்தவர பத்திரிக்கையாளர்களின் கட்டுரைகளை உருவாக்குவதிலும், அதன் உண்மையை சரிபார்ப்பதிலும் முக்கிய பங்கு வகிக்கும். ஏஐ வந்த பிறகு பத்திரிக்கைகள் குறித்த எதிர்காலம் என்னவாகும் என்பது குறித்து விளக்கம் அளிக்கும்போது, அது எதிர்வரும் காலம் மட்டுமே முடிவு செய்யும் என கூகுள் நம்புகிறது. துல்லியம், கருத்துத் திருட்டு மற்றும் பதிப்புரிமை பற்றிய கவலைகள் ஏஐ தொழில்நுட்பங்கள் வந்த பிறகு முழுமையான நிவாரணம் கிடைக்கும். இது சிலருக்கு பாதிப்பாக இருக்கவும் வாய்ப்பு உள்ளது.
Google இன் AI கருவி ஜெனிசிஸ் என்றால் என்ன?
ஜெனிசிஸ் என்பது ஒரு AI கருவியாகும், இது பத்திரிகையாளர்களுக்கு செய்தி உள்ளடக்கத்தை உருவாக்க உதவும். இது இன்னும் வளர்ச்சியின் ஆரம்ப கட்டத்தில் உள்ளது, ஆனால் தலைப்புச் செய்திகளை எழுதுதல், லீட்களை உருவாக்குதல் மற்றும் கட்டுரைகளைத் தொகுத்தல் போன்ற பணிகளில் பத்திரிகையாளர்களுக்கு உதவ இதைப் பயன்படுத்தலாம் என்று கூகுள் கூறியுள்ளது.
AI பத்திரிகையின் எதிர்காலம் என்ன?
இதழியலின் எதிர்காலம் AI காலத்தில் என்னவாக இருக்கும்? என்ற கேள்வி பரவலாக இருக்கிறது. இது நிச்சயம் பெரிய தாக்கத்தை ஏற்படுத்தும் என்பது தெளிவாகிறது.