தமிழ் சினிமாவில் முன்னணி நடிகராக திகழும் கார்த்தி தற்போது ‘ஜப்பான்’ என்ற என்ற படத்தில் நடித்து வருகிறார். இவரது நடிப்பில் கடைசியாக ‘பொன்னியின் செல்வன்’ இரண்டாம் பாகம் வெளியாகியிருந்தது. இதனையடுத்து ராஜு முருகன் இயக்கத்தில் மிகுந்த எதிர்பார்ப்பிற்கு மத்தியில் உருவாகும் ‘ஜப்பான்’ படத்தில் நடிக்க ஆரம்பித்தார் கார்த்தி.
கடந்தாண்டு கார்த்தி நடிப்பில் தொடர்ச்சியாக மூன்று படங்கள் ரிலீசாகின. இந்தப்படங்கள் மூலமாக ஹாட்ரிக் ஹிட்டடித்தார். இவரது நடிப்பில் கடைசியாக மணிரத்னம் இயக்கத்தில் மல்டி ஸ்டார் படமாக ‘பொன்னியின் செல்வன்’ இரண்டாம் பாகம் வெளியாகி இருந்தது. இந்தப்படத்தில் கார்த்தியின் வந்தியத்தேவன் கதாபாத்திரம் ரசிகர்கள் மத்தியில் பாராட்டுக்களை குவித்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து தற்போது ‘ஜப்பான்’ படத்தில் நடிக்க ஆரம்பித்தார் கார்த்தி. குக்கூ, ஜோக்கர், ஜிப்ஸி போன்ற விமர்சனரீதியாக பாராட்டுக்களை பெற்ற ராஜு முருகன் தற்போது இந்தப்படத்தை இயக்கி வருகிறார். பெரும் பொருட்செலவில் தயாராகும் இந்தப்படத்தை ட்ரீம் வாரியர்ஸ் பிக்சர்ஸ் நிறுவனம் தயாரித்து வருகிறது.
தமிழ், தெலுங்கு, மலையாளம் மற்றும் கன்னடம் ஆகிய மொழிகளில் உருவாகி வரும் இந்தப்படம் தமிழ்நாட்டில் நடைபெறும் உண்மை சம்பவத்தை மையமாக கொண்டு உருவாகி வருகிறது. கார்த்தியின் 25 வது படமாக தயாராகி வரும் ஜப்பானில் இயக்குனர் விஜய் மில்டன், அனு இம்மானுவேல், தெலுங்கு நடிகர் சுனில் உள்ளிட்டோர் நடிக்கின்றனர்.
Jailer: பணியாத ஆளு.. கொல மாஸ் காட்டும் தலைவர்: பட்டையை கிளப்பும் ஜெயிலர் ‘ஜுஜுபி’.!
இந்நிலையில் கார்த்தி நடிக்கவுள்ள புதிய படம் குறித்த தகவல்கள் வெளியாகி சோஷியல் மீடியாவில் வைரலாகி வருகிறது. ’96’ பட புகழ் பிரேம் குமார் கார்த்தி நடிப்பில் புதிய படம் ஒன்றை இயக்கவுள்ளதாக தகவல்கள் வெளியாகியுள்ளன. விஜய் சேதுபதி, திரிஷா நடிப்பில் வெளியான ’96’ படம் மூலமாக அனைவரின் முதல் காதல் நினைவுகளை கிளறி எழுப்பியவர் பிரேம் குமார். இந்தப்படத்தின் மிகப்பெரிய வெற்றியை தொடர்ந்து கிட்டத்தட்ட 5 ஆண்டுகளுக்கு பிறகு அவர் தற்போது புதிய படம் இயக்கவுள்ளதாக கூறப்படுகிறது.
இந்தப்படத்தில் கார்த்தியுடன் இணைந்து அரவிந்த் சாமி முக்கியமான கதாபாத்திரத்தில் நடிக்கவுள்ளதாகவும், 2டி எண்டர்டெயின்மென்ட் தயாரிப்பில் உருவாகும் இந்தப்படத்திற்கு கோவிந்த் வசந்தா இசையமைக்கவிருப்பதாகவும் தகவல்கள் வெளியாகியுள்ளன. இந்த செய்தியை ஒளிப்பதிவாளர் பி.சி. ஸ்ரீராம் உறுதிப்படுத்தியுள்ளார். இதனிடையில் கார்த்தியின் ‘ஜப்பான்’ படம் வரும் தீபாவளிக்கு வெளியாகவுள்ளது குறிப்பிடத்தக்கது.
Thangalaan: அடேங்கப்பா.. பிரம்மாண்டமாக உருவாகும் ‘தங்கலான்’ படத்தின் பட்ஜெட் மட்டும் இவ்வளவா.!