நானி பட இயக்குனர் உடன் கைகோர்க்கும் விஜய் தேவரகொண்டா
நடிகர் விஜய் தேவரகொண்டா தற்போது குஷி படத்தில் நடித்து முடித்துள்ளார். இதை தொடர்ந்து தனது 12வது, 13வது படங்களிலும் நடித்து வருகிறார். இதையடுத்து ஒரு புதிய படத்தில் விஜய் தேவரகொண்டா நடிக்க ஒப்பந்தம் ஆகியுள்ளதாக தகவல் வெளியாகியுள்ளது.
அதன்படி, நடிகர் நானியை வைத்து ஜென்டில்மேன், வி போன்ற படங்களை இயக்கிய மோகன் கிருஷ்ணா இந்திராகாந்தி இயக்கத்தில் விஜய் தேவரகொண்டா புதிய படத்தில் நடிக்கவுள்ளார். இப்படத்திற்கு ஜயடு என தலைப்பு வைத்துள்ளதாக கூறப்படுகிறது. இதனை பான் இந்திய படமாக உருவாக்க திட்டமிட்டுள்ளனர். இந்த படத்தை தயாரிப்பாளர் தில் ராஜூ தனது ஸ்ரீ வெங்கடேஸ்வரா கிரியேஷன்ஸ் நிறுவனம் மூலம் தயாரிக்கிறார். விரைவில் இது குறித்து அதிகாரப்பூர்வ அறிவிப்பு வெளியாகும் என கூறப்படுகிறது.