விரைவில் கீர்த்தி சுரேஷின் ரகு தாத்தா ரிலீஸ்
மாமன்னன் படத்தை அடுத்து சைரன், ரகு தாத்தா, ரிவால்வர் ரீட்டா என பல படங்களில் நடித்து வருகிறார் கீர்த்தி சுரேஷ். இதில், ரகு தாத்தா என்ற படத்தின் கிளிம்ப்ஸ் வீடியோ தற்போது வெளியிடப்பட்டுள்ளது. அந்த வீடியோவில், பெரியவர்களே தாய்மார்களே சினிமா ரசிகர்களே ஹோம்பாலே பிலிம்ஸ் வழங்கும் ரகு தாத்தா என்ற படம் விரைவில் திரையரங்குகளில் வெளியாக என்பதை அனைவருக்கும் தெரிவித்துக் கொள்கிறோம் என்று தண்டோரா போட்டு சொல்லும் காட்சி இடம் பெற்றுள்ளது.
காமெடி கதையில் உருவாகி உள்ள இந்த படத்தில் கீர்த்தி சுரேஷ் கதையின் நாயகியாக நடித்துள்ள நிலையில், அவருடன் எம்.எஸ். பாஸ்கர், தேவதர்ஷினி, ரவீந்தர் விஜய் உட்பட பலர் முக்கிய வேடங்களில் நடித்துள்ளார்கள். இப்படத்தின் ரிலீஸ் தேதி விரைவில் அறிவிக்கப்பட உள்ளது.