திரைத்துறையில் சினிமா நடிகைகளைவிட சின்னத்திரை நடிகைகளுக்குத்தான் இப்போது ஏகப்பட்ட மார்க்கெட். அதிலும் பிரைம் டைமில் ஒரு சீரியலில் நடித்துவிட்டால் போது, விரைவில் பிரபலமாகி விடலாம்.
அப்படி சீரியலில் அழுகு பதுமையாக, அமைதியின் சின்னமாக வந்த ஷிவானியின் ஆட்டத்தைப் பார்த்து மயங்கிப்போன ரசிகர்கள் அவரை இன்ஸ்டாகிராம் குயின் என்று செல்லமாக அழைத்து வருகின்றனர்.
ஷிவானி நாராயணன்
விஜய் டிவியில் பகல் நிலவு சீரியல் மூலம் சின்னத்திரையில் எண்ட்ரி கொடுத்தவர் ஷிவானி. அந்த சீரியல் மூலம் ஏராளமாக ரசிகர்களை பெற்ற அவர், சரவணன் மீனாட்சி, ராஜா ராணி சீசன் 1, இரட்டை ரோஜா உள்ளிட்ட பல சீரியல்களில் நடித்தார். ஷிவானி சீரியலில் பிரபலமானதை விட இன்ஸ்கிராமில், போட்டோ வீடியோவை போட்டு இணையத்தை தெறிக்கவிட்டார்.
அடுத்தடுத்த படங்களில்
சோஷியல் மீடியாவில் கிடைத்த வரவேற்பால், பிக் பாஸ் நிகழ்ச்சியில் போன ஷிவானி, இன்ஸ்டாவில் கலக்குவது போல கலக்குவாருனு பார்த்தா, பெருசா எதையும் செய்யாததால் எலிமினேட்டாகி பாதியிலே வெளியில் வந்தார். இதையடுத்து, ஷிவானிக்கு அடுத்தடுத்த படங்களில் கமிட்டானார். விக்ரம், வீட்ல விசேஷம் போன்ற படங்களில் ஷிவானிக்கு வாய்ப்பு கிடைத்தது. விக்ரம் படத்தில் விஜய்சேதுபதி மனைவியாக ஷிவானி நடித்து இருந்தார்.
ஹீரோயினாக
ஷிவானி நாராயணன் தற்போது இயக்குனர் எம்.செல்வகுமார் இயக்கத்தில் நடிகர் வெற்றி ஹீரோவாக நடிக்கும் பம்பர் படத்தில் ஹீரோயினாக நடித்து வருகிறார். இந்த படத்தில் பர்ஸ்ட்லுக் போஸ்டரை படக்குழு சமீபத்தில் வெளியிட்டு இருந்தது. கேரளா லாட்டரியை மையமாக வைத்து இந்த படம் உருவாக உள்ளது.
இதெல்லாம் ரொம்ப ஓவர்
சோஷியல் மீடியாவில் எப்போதும் ஆக்டிவாக இருக்கும் ஷிவானி, தனது செல்ல பிராணியை கட்டிப்பிடித்து முத்தம் கொடுத்து படுக்கையில் உருளும் வீடியோவை வெளியிட்டுள்ளார். மேலும், அந்த வீடியோவில் திருச்சிற்றம்பலத்தில் வரும் மேகம் கருக்காதா பெண்ணே.. பெண்ணே பாடலையும் சேர்த்துள்ளார். இந்த வீடியோ பார்த்த ரசிகர்கள் ஏகத்திற்கும் கடுப்பாகி இதெல்லாம் ரொம்ப ஓவர் என்றும், கொடுத்து வைத்த ஜீவன் என்பது போன்ற கமெண்ட்ஸை பதிவு செய்து வருகின்றனர்.