ரஷ்ய ராணுவ தளத்தில் நடத்தப்பட்ட பயங்கரவாத தாக்குதலில் 11 பேர் கொல்லப்பட்டனர். மேலும், 15 பேர் பலத்த காயம் அடைந்துள்ளனர்.
உக்ரைன் எல்லையை ஒட்டிய தென் மேற்கு ரஷ்யாவின் பெல்கோரோட் பகுதியில் உள்ள ரஷ்ய ராணுவ தளத்தில் சோவியத் ரஷ்ய ஆதரவாளர்கள் 2 பேர் பயிற்சியின் போது மற்ற வீரர்கள் மீது துப்பாக்கிச் சூடு நடத்தி உள்ளனர்.
இதில் 11 பேர் கொல்லப்பட்டதாகவும், 15 பேர் காயம் அடைந்ததாகவும் ரஷ்ய ஊடகங்கள் தெரிவித்து உள்ளன. காயம் அடைந்தவர்கள், அருகில் உள்ள மருத்துவமனையில் சிகிச்சைக்காக அனுமதிக்கப்பட்டு உள்ளனர்.
உக்ரைன் போரில் பங்கேற்க 3 லட்சம் ரஷ்யர்களை அணி திரட்டுமாறு அதிபர் விளாடிமிர் புடின் உத்தரவிட்டுள்ள நிலையில், இந்த பயங்கரவாத தாகுதல் சம்பவம் அரங்கேறி உள்ளது.