சென்னை: தமிழ்நாட்டில் கால்நடை மருத்துவ படிப்புக்கான தரவரிசை பட்டியல் இன்று காலை வெளியிடப்படும் என அறிவிக்கப்பட்டு உள்ளது.
தமிழ்நாடு கால்நடை மருத்துவ அறிவியல் பல்கலைக்கழகத்தின் கீழ் செயல்படும் கல்லூரிகளில் 2022-23-ம் ஆண்டு மாணவர் சேர்க்கைக்கான விண்ணப்ப பதிவு கடந்த செப்டம்பர் 12-ம் தேதி முதல் இணையதளத்தில் நடைபெற்றது. இந்த படிப்புக்க, பிளஸ் 2 மதிப்பெண் அடிப்படையில் மாணவர் சேர்க்கை நடைபெறுவதால் மாணவ-மாணவிகள் ஆர்வத்துடன் விண்ணப்பித்தனர். விண்ணப்ப பதிவுக்கு அக்டோபர் 3-ம் தேதி மாலை 5 மணி கடைசி நேரமாக அறிவிக்கப்பட்டது.
இந்த நிலையில், கால்நடை மருத்துவ படிப்பிற்கான தரவரிசை பட்டியல் இன்று (வியாழக்கிழமை) காலை 10 மணிக்கு வெளியிடப்படும் என்று கால்நடை மருத்துவர் அறிவியல் பல்கலைக்கழகம் அறிவித்துள்ளது. தரவரிசை பட்டியல் பல்கலைக்கழக இணையதளத்தில் நேரடியாக வெளியிடப்படும் என்றும் மேலும் விவரங்களை https://adm.tanuvas.ac.in இணைய தளத்தில் அறிந்துகொள்ளலாம் என்று பல்கலைக்கழகம் தெரிவித்துள்ளது.