தீபாவளி பண்டிகை நாடு முழுவதும் உற்சாகமாக கொண்டாடப்பட்டு வருகிறது. புத்தாடை உடுத்தி, பட்டாசு வெடித்து, இனிப்புகள் உண்டு தீபாவளி பண்டிகையை மக்கள் உற்சாகமாக கொண்டாடி வருகின்றனர்.
தீபாவளி பண்டிகையை ராணுவ வீரர்களுடன் கொண்டாட பிரதமர் மோடி கார்கில் சென்றுள்ளார். அங்கு பாதுகாப்பு ராணுவ வீரர்களுடன் கலந்துரையாடிய அவர், உங்களுடன் இல்லாமல் தீபாவளி பண்டிகையை சிறப்பாக கொண்டாடியிருக்க முடியாது என தெரிவித்தார்.
பிரதமர் மோடி 2014ஆம் ஆண்டு ஆட்சிப் பொறுப்பேற்றதில் இருந்தே, தீபாவளி பண்டிகையை கொண்டாட பல்வேறு ராணுவ தளங்களுக்கு சென்று வருகிறார். ஒவ்வொரு தீபாவளி பண்டிகையையும் அவர் ராணுவ வீரர்களுடன் கொண்டாடி வருகிறார்.
முன்னதாக, தீபாவளி பண்டிகையையொட்டி வாழ்த்து தெரிவித்த பிரதமர் மோடி, அனைவருக்கும் இனிய தீபாவளி நல்வாழ்த்துக்கள். தீபாவளி பிரகாசத்துடன் தொடர்புடையது. இந்த மங்கலப் பண்டிகை நம் வாழ்வில் மகிழ்ச்சி மற்றும் நல்லெண்ணத்தை மேம்படுத்தட்டும். குடும்பத்தினர் நண்பர்களுடன் தீபாவளியை கொண்டாட வாழ்த்துக்கள் என தெரிவித்திருந்தார்.