லிஜோமோல் ஜோஸ், லாஸ்லியா நடிக்கும் ‛அன்ன பூரணி'
அறிமுக இயக்குநர் லயோனல் ஜோஸ்வா இயக்கத்தில் நடிகைகள் லிஜோமோல் ஜோஸ், லாஸ்லியா மற்றும் மெட்ராஸ் ஹரிகிருஷ்ணன் நடிப்பில் உருவாகி உள்ள படம் ‛அன்ன பூரணி'. குடும்ப அமைப்பிற்குள் வாழும் 'பூரணி' , குடும்ப அமைப்பிற்கு வெளியே வாழும் 'அனா'ஆகிய இருவரின் பயணமே இந்தப்படம். பெண்கள் குடும்ப அமைப்பிற்குள் அனுபவிக்கும் சிரமங்களை, கருத்து சொல்லும்படியாக இல்லாமல் ரசிகர்களுக்கு பிடிக்கும் வண்ணம், ஒரு மாறுபட்ட திரில்லர் டிராமாவாக சொல்லியுள்ளது இப்படம். இந்த படத்தின் பர்ஸ்ட் லுக்கை நடிகர் ஜெயம் ரவி மற்றும் இயக்குனர் வெற்றிமாறன் வெளியிட்டனர்.
பாடலாசிரியர் யுகபாரதி பாடல்களை எழுதியதுடன் படத்திற்கான வசனங்களையும் எழுதியுள்ளார். மராத்தி ஒளிப்பதிவாளர் ஹெக்டர் ஒளிப்பதிவு செய்ய, 96 புகழ் கோவிந்த் வஸந்தா இசையமைத்துள்ளார். கலை இயக்கத்தினை அமரன் செய்துள்ளார். இப்படத்தின் படப்பிடிப்பு பணிகள் முடிந்த நிலையில், இறுதி கட்ட பணிகள் தீவிரமாக நடந்து வருகிறது.