விஜயின் வாரிசு திரைப்படத்தை தமிழகத்தில் வெளியிடும் லலித் குமார்
இயக்குனர் வம்ஷி இயக்கத்தில் விஜய் நடிப்பில் உருவாகிவரும் திரைப்படம் வாரிசு. இந்தப்படத்தின் முதல் பாடலான 'ரஞ்சிதமே ரஞ்சிதமே' பாடல் சமீபத்தில் வெளியாகி பல மில்லியன் பார்வையாளர்களை பெற்று ஹிட்டானது. இந்தப் படத்திற்கு தமன் இசையமைத்திருக்கிறார். இப்படத்தின் மூலம் ராஷ்மிகா மந்தனா விஜய்யுடன் முதன் முறையாக இணைந்துள்ளார்.
தில் ராஜுவின் தயாரிக்கும் இந்தப் படத்தில், சரத்குமார், பிரகாஷ்ராஜ், பிரபு, ஷ்யாம், யோகி பாபு, சங்கீதா, குஷ்பு, சம்யுக்தா உள்ளிட்ட பலர் நடித்துள்ளனர். தமிழ் மற்றும் தெலுங்கு என இரு மொழிகளில் உருவாகும் வாரிசுத் திரைப்படம் அடுத்த ஆண்டு பொங்கலுக்கு வெளியாக உள்ளது.
இந்நிலையில் நடிகர் விஜயின் வாரிசு திரைப்படத்தை தமிழகத்தில் மாஸ்டர் மற்றும் விஜய் 67 பட தயாரிப்பாளர் லலித் குமார் வெளியிடுகிறார். இந்த தகவலை இன்று படக்குழுவினர் அதிகாரப்பூர்வமாக அறிவித்துள்ளனர்.