ரஜினி பிறந்த நாளில் மீண்டும் வெளியாகும் பாபா
கடந்த 2002ம் ஆண்டு சுரேஷ் கிருஷ்ணா இயக்கத்தில் ரஜினிகாந்த் நடித்து வெளியான படம் பாபா. இந்த படத்திற்கு கதை எழுதி தயாரித்து நடித்தார் ரஜினி. ஏ.ஆர்.ரகுமான் இசையமைத்தார். 20 ஆண்டுகளுக்கு பிறகு அப்படம் டிஜிட்டல் தொழில்நுட்பத்துக்கு மாற்றப்பட்டு மீண்டும் திரைக்கு வரவுள்ளது. அந்த வகையில் ரஜினியின் பிறந்தநாளான டிசம்பர் 12ம் தேதி பாபா படம் திரைக்கு வருவதாக அறிவிக்கப்பட்டுள்ளது. அதோடு சமீபகாலமாக முன்னணி ஹீரோக்களின் படங்கள் ரிலீசாகும்போது அதிகாலை நான்கு மணி காட்சி திரையிடப்படு வருகிறது. அந்த வரிசையில் ரஜினியின் பாபா படத்தின் அதிகாலை 4 மணி காட்சி திரையிடப்பட உள்ளது. இப்படத்தில் ரஜினியுடன் மனிஷா கொய்ராலா, கவுண்டமணி, நம்பியார், விஜயகுமார், சுஜாதா உள்பட பலர் நடித்து இருந்தனர்.