ரூட்டை பிடித்த திமுக… உதயநிதி தலைமையில் மதுரையில் மாபெரும் மாநாடு..

மதுரை பாண்டி கோவில் அருகே உள்ள துவாரகா திருமண மண்டபத்தில் மதுரை வடக்கு,மதுரை மாநகர், மதுரை தெற்கு,

செயல் வீரர்கள் கூட்டம் நடைபெற்றது. இதில் அமைச்சர் மூர்த்தி, மாநகர மாவட்டச் செயலாளர் தளபதி, தெற்கு மாவட்ட செயலாளர் மணிமாறன், மாநகர் மேயர் இந்திராணி உள்ளிட்ட நிர்வாகிகள்,ஆயிரத்துக்கு மேற்பட்ட திமுகவினர் பங்கேற்றனர். அப்போது, வருகின்ற நவ.29 தேதி விளையாட்டு வீரர்களுக்கு நலத்திட்ட உதவிகள் வழங்கும் விழாவில் பங்கேற்க வரும்

வருகை குறித்து ஆலோசிக்கப்பட்டது.

இந்த விழாவில் பேசிய அமைச்சர் மூர்த்தி: மதுரை வடக்கு, மாநகர், தெற்கு ஆகிய மூன்று மாவட்டமும் இணைந்து ஒருங்கிணைந்த மதுரை மாவட்ட செயல் வீரர்கள் கூட்டம் நடத்துகிறோம். இனி யாராலும் மதுரை மாவட்டத்தை அசைக்க முடியது ஆட்ட முடியாது. மதுரை மாவட்ட திமுகவில் ஏதோ சோர்வு இருப்பது போல பேசி வருகின்றனர். ஆனால், முதல்வர் ஆணைப்படி செயல்பட்டு நாடாளுமன்றத் தேர்தலில் மதுரை, விருதுநகர், தேனி மூன்று தொகுதிகளில் அதிகப்படியான வாக்குகள் பெற்று வெற்றி பெற வைப்போம்.

இளைஞர்களுக்கு நலத்திட்டம் வழங்க இளைஞர் அணிச் செயலாளர் உதயநிதி ஸ்டாலின் 29ம் தேதி வருகை தந்து 15 ஆயிரம் இளைஞர்களுக்கு நலத்திட்டதை வழங்குகிறார். இந்த நலத் திட்டம் வழங்கும் விழாவில் 15 ஆயிரம் பேர் பங்கேற்கும் ஒரு சிறிய மாநாட்டை போல அமைய உள்ளது. இது நாடாளுமன்றத் தேர்தலுக்கான அமையும்.

தென்மாவட்டத்தில் மதுரையின் பிரதிபலிப்புத்தான் நாடு முழுவதும் பிரதிபலிக்கும். எதிரிகளுக்கு சவாலாக திமுகவின் கூட்டம் அமைய உள்ளது. நான் எல்லா விதமான கட்சி விழாக்களையும் நடத்திவிட்டேன்.

எனது ஒரே ஆசை மதுரையில் ஓர் இளைஞர் அணி மாநாட்டை நடத்த வேண்டும் என்பதுதான். அது தொடர்பாக முதல்வர், இளைஞர் அணிச் செயலாளரிடம் பேசி வருகின்றேன்.

மாநாட்டு நடத்த வாய்ப்பு கிடைத்தால் திமுக வரலாற்றில் எந்த கட்சியும் நடத்தாத அளவிற்கான மாநாடாக நடத்திக் காட்டுவேன். இந்தியாவிற்கே முன்னோடியான ஓர் ஆட்சியை முதல்வர் நடத்தி வருகிறார். இளைஞர் அணி மாநாடு நடத்தினால் அது ஓர் அச்சாணியாக அமையும் என பேசினார்.

செயல்வீரர்கள் கூட்டத்தில் பங்கேற்ற திமுகவினருக்கு மீன்,ஆட்டுக்கறி, கோழிக்கறி முட்டை, வாழைப்பழம், பிரியாணிகள் அடங்கிய அசைவிருந்தும், கூட்டு, காய்கறி, பொரியல், ரசம், மோர், சாம்பார், குழம்பு என சைவ வகையும் விருந்தாக அளிக்கப்பட்டது. முந்தியடித்துக் கொண்டு திமுகவினர் சென்று இடத்தைப் பிடித்து சாப்பாட்டை ருசி பார்த்து சென்றனர்.