திமுக இளைஞரணி செயலாளரும், திருவல்லிக்கேணி – சேப்பாக்கம் தொகுதி எம்.எல்.ஏவுமான உதயநிதி ஸ்டாலின் இன்று தனது 45ஆவது பிறந்தநாளை கொண்டாடுகிறார். இதனையொட்டி தமிழ்நாடு முழுவதும் திமுகவினர் சிறப்பு பொதுக்கூட்டங்களையும், நிகழ்ச்சிகளையும் நடத்திவருகின்றனர்.அதேபோல் ஏராளமான நலத்திட்ட உதவிகளும் செய்யப்பட்டுவருகின்றன. மேலும் இன்று பிறந்தநாள் காணும் அவருக்கு அரசியல் தலைவர்கள் மட்டுமின்றி திரை பிரபலங்களும் தங்களது வாழ்த்தை தெரிவித்துவருகின்றனர்.
அந்தவகையில் நடிகரும், மக்கள் நீதி மய்யம் தலைவருமான கமல் ஹாசன் உதயநிதிக்கு பிறந்தநாள் வாழ்த்து கூறியுள்ளார். இதுகுறித்து அவர் தனது ட்விட்டர் பக்கத்தில், “சேப்பாக்கம் தொகுதியின் சட்டமன்ற உறுப்பினரும், ரெட்ஜெயண்ட் மூவிஸ் நிறுவனத்தின் தலைவரும், எங்கள் ராஜ்கமல் நிறுவனத்தின் முயற்சிகளில் பங்கெடுத்துக் கொள்பவரும், என் அன்புத் தம்பியுமான உதயநிதி ஸ்டாலினுக்கு மனமார்ந்த பிறந்த நாள் நல்வாழ்த்துகள்” என குறிப்பிட்டுள்ளார்.
சேப்பாக்கம் தொகுதியின் சட்டமன்ற உறுப்பினரும், @RedGiantMovies_ நிறுவனத்தின் தலைவரும், எங்கள் @RKFI நிறுவனத்தின் முயற்சிகளில் பங்கெடுத்துக் கொள்பவரும், என் அன்புத் தம்பியுமான @Udhaystalin அவர்களுக்கு மனமார்ந்த பிறந்த நாள் நல்வாழ்த்துகள்.
— Kamal Haasan (@ikamalhaasan) November 27, 2022
கமல் – மணிரத்னம் இணையும் படத்தை உதயநிதி தயாரிக்கிறார். அதேபோல் கமல் ஹாசனின் ராஜ்கமல் நிறுவனம் தயாரிக்கவிருக்கும் படத்தில் உதயநிதி ஹீரோவாக நடிக்கவிருப்பது குறிப்பிடத்தக்கது.