மகாராஷ்டிராவின் தேசியவாத காங்கிரஸ் கட்சியின் மூத்த தலைவர் நவாப் மாலிக், சர்வதேச குற்றவாளியான தாவுத் இப்ராஹிம் உடன் இணக்கமாக செயல்பட்டு, பண மோசடியில் ஈடுபட்டதாக கடந்த பிப்ரவரி மாதம் அமலாக்கத்துறையால் அவர் கைது செய்யப்பட்டார். இதையடுத்து அவர் நீதிமன்ற காவலில் அடைக்கப்பட்டார். மேலும் தனியார் மருத்துவமனை ஒன்றில் மருத்துவ சிகிச்சையும் மேற்கொண்டு வருகிறார்.
இந்தநிலையில், தன் மீதான் குற்றச்சாட்டில் உண்மை இல்லை, எனவே ஜாமின் வழங்க வேண்டும் என கூறி, கடந்த ஜூலை மாதம் சிறப்பு நீதிமன்றத்தில் நவாப் மாலிக் ஜாமின் மனு தாக்கல் செய்தார். ஆனால் தாவூத் இப்ராஹிம் மற்றும் அவரது அடியாள் மீதான வழக்கு என்ஐஏவால் பதியபட்டது என கூறி, குற்றச்சாட்டில் முகாந்திரம் இருப்பதாக அமலாக்கத்துறை கூறியது. மேலும் தாவூத் இப்ராஹிம் மற்றும் அவரது தங்கையுடன் நவாப் மாலிக் தொடர்பில் இருந்ததாகவும், அவர் அப்பாவி என்பதை ஏற்று கொள்ள முடியாது எனவும் அமலாக்கத்துறை சார்பில் தெரிவிக்கப்பட்டது.
சர்வதேச குற்றவாளியும், மும்பை தீவிரவாத தாக்குதலில் தொடர்புடையவருமான தாவூத் இப்ராஹிம் மீது என்ஐஏ வழக்கு பதிவு செய்ததன் அடிப்படையில், நவாப் மாலிக் மீது அமலாக்கத்துறை பணமோசடி வழக்கு பதிவு செய்தது குறிப்பிடதக்கது. இந்தநிலையில் ஜாமின் மனு குறித்து நவம்பர் 24ம் தேதி தீர்ப்பு வழங்கப்படும் என சிறப்பு நீதிமன்றம் கூறி இருந்தநிலையில், விசாரணைய நவம்பர் 30ம் தேதி ஒத்திவைத்தது நீதிமன்றம்.
பெண்கள் எப்போது அழகாக இருப்பார்கள்?.. மன்னிப்பு கேட்ட பாபா ராம்தேவ்.!
அந்த வகையில் நவாப் மாலிக் ஜாமின் மனு மீதான விசாரணை, இன்று மும்பை சிறப்பு நீதிமன்றத்தில் விசாரணைக்கு வந்தது. அதைத் தொடர்ந்து மகாராஷ்டிராவின் முன்னாள் அமைச்சர் நவாப் மாலிக்கிற்கு ஜாமின் வழங்க தடைவிதித்து மும்பை நீதிமன்றம் தீர்ப்பளித்துள்ளது.