எச்.வினோத், அஜித் கூட்டணியில் உருவாகியுள்ள ‘துணிவு’ படத்தின் ரிலீசுக்காக வெறித்தனமாக காத்திருக்கின்றனர் ரசிகர்கள். ‘வலிமை’ படத்தினை போல் இல்லாமல் இந்தப்படம் முழுக்க முழுக்க வினோத் பாணியில் உருவாகியிருக்கும் என்ற ஆர்வத்துடன் காத்திருக்கின்றனர் ரசிகர்கள். இந்நிலையில் இந்தப்படத்தின் பர்ஸ்ட் சிங்கிள் வெளியாகி ரசிகர்கள் மத்தியில் ஆரவாரத்தை கிளப்பியுள்ளது.
சதுரங்க வேட்டை, தீரன் அதிகாரம் படங்களில் வெற்றியை தொடர்ந்து எச்.வினோத் அஜித் நடிப்பில் நேர்கொண்ட பார்வை படத்தை இயக்கினார். ‘பிங்க்’ படத்தின் அபிசியல் ரீமேக்கான இந்தப்படத்தை போனி கபூர் தயாரித்தார். கடந்த 2019 ஆம் ஆண்டு வெளியான இந்தப்படம் மாபெரும் வரவேற்பை பெற்றது. அதனை தொடர்ந்து இரண்டாவது முறையாக கிட்டத்தட்ட மூன்றாண்டுகள் கழித்து அதே கூட்டணியில் கடந்த பிப்ரவரி மாதம் ‘வலிமை’ படம் வெளியானது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படத்தை தொடர்ந்து தற்போது மூன்றாவது முறையாக ‘துணிவு’ படத்தில் வினோத், போனி கபூர், அஜித் மூவரும் இணைந்துள்ளனர். இதன் இறுதிக்கட்ட பணிகள் தற்போது விறுவிறுப்பாக நடைபெற்று வருகிறது. இப்படத்தை பொங்கல் வெளியீடாக ரிலீஸ் செய்ய திட்டமிட்டுள்ளது படக்குழு. உதயநிதி ஸ்டாலின் ரெட் ஜெயண்ட் மூவீஸ் நிறுவனம் ‘துணிவு’ படத்தின் தமிழக வெளியீட்டு உரிமையை கைப்பற்றியுள்ளது.
Maaveeran: அடுத்த அதிரடிக்கு தயாரான சிவகார்த்திகேயன்: வேறலெவல் சம்பவம் இருக்கு.!
இந்நிலையில் இந்தப்படத்தின் ‘சில்லா சில்லா’ பாடலின் லிரிக்கல் வீடியோ வெளியாகியுள்ளது. ஜிப்ரான் இசையில் அனிருத் இந்தப்பாடலை பாடியுள்ளார். கல்யான் மாஸ்டர் இப்பாடலுக்கு நடனம் அமைத்துள்ளர். ‘ஆலுமா டோலுமா’ பாடலுக்கு பிறகு அனிருத் குரலில் இந்தப்பாடல் செம மாஸாக இருப்பதாக ரசிகர்கள் கமெண்ட் அடித்து வருகின்றனர். மேலும் இந்தப்பாடலுக்கு அஜித் இறங்கி ஆடியுள்ளது லிரிக்கல் வீடியோவில் தெரிந்துள்ளது.
விஜய்யின் ‘வாரிசு’ படமும் பொங்கலுக்கு வெளியாகயிருக்கிறது. இந்தப்படத்தில் இருந்து முதல் சிங்கிளாக விஜய் பாடிய ‘ரஞ்சிதமே’ பாடல் வெளியானது. அதனை தொடர்ந்து கடந்த சில தினங்களுக்கு முன்பாக சிம்பு குரலில் ‘தீ தளபதி’ பாடல் வெளியானது. இந்தப்பாடல் இணையத்தில் டிரெண்டாகி வரும் நிலையில் தற்போது ‘துணிவு’ படத்திலிருந்து ‘சில்லா சில்லா’ பாடல் வெளியாகி அஜித் ரசிகர்கள் மத்தியில் கொண்டாட்டத்தை ஏற்படுத்தியுள்ளது.
Divya Bharathi: இடுப்புக்கு அறுவை சிகிச்சை செய்தேனா.?: வேதனையில் ‘பேச்சுலர்’ திவ்யபாரதி.!
துணிவு’ படத்தில் அஜித்துடன் மஞ்சு வாரியர், சமுத்திரக்கனி, ஜான் கோக்கன், சிபி சக்கரவர்த்தி, அமீர், பாவனி உள்ளிட்டோர் நடித்துள்ளனர். இந்தப்படத்தை தொடர்ந்து லைகா தயாரிப்பில் விக்னேஷ் சிவன் இயக்கத்தில் அஜித் ‘ஏகே 62’ படத்தில் நடிக்கவுள்ளது குறிப்பிடத்தக்கது.