ரஷ்ய மொழியில் வெளியாகும் விக்ரமின் கோப்ரா!
அஜய்ஞானமுத்து இயக்கத்தில் விக்ரம் நடித்த படம் கோப்ரா. விக்ரமுடன் ஸ்ரீநிதி ஷெட்டி, இர்பான் பதான் உள்பட பலர் நடித்த இந்த படத்திற்கு ஏ.ஆர்.ரகுமான் இசையமைத்தார். கடந்த ஆகஸ்ட் 31-ந்தேதி இப்படம் திரைக்கு வந்தது. மிகுந்த எதிர்பார்ப்புகளுக்கிடையே வெளியான இப்படம் அதிர்ச்சி தோல்வியை கொடுத்து விட்டது. 100 கோடி ரூபாய் செலவு செய்து எடுக்கப்பட்ட இப்படம் 40 கோடி மட்டுமே வசூலித்தது.
இந்தநிலையில் தற்போது கோப்ரா படம் ரஷ்ய மொழியில் டப்பிங் செய்யப்பட்டுள்ளது. காரணம் டிசம்பர் 15-ந்தேதி ரஷ்யாவில் நடைபெறும் இந்திய திரைப்பட விழாவில் திரையிடப்படுகிறது. ஆனால் அதையடுத்து ரஷ்ய தியேட்டர்களில் கோப்ரா படம் வெளியாகுமா? என்பது தெரியவில்லை.