மெட்ரோ ரயிலில் விஜய்யின் வாரிசு பட விளம்பரம்
வம்சி இயக்கத்தில் விஜய் ராஷ்மிகா மந்தனா நடிப்பில் உருவாகியுள்ள வாரிசு படம் பொங்கலுக்கு திரைக்கு வருகிறது. இதையொட்டி பட புரமோஷன் வேலைகள் விறுவிறுப்பாக நடந்து வருகின்றன. பாடல்கள் ஒவ்வொன்றாக வெளியிடப்பட்டு ஹிட் அடித்து வரும் நிலையில் விரைவில் இசை வெளியீட்டு விழா பிரமாண்டமாக நடைபெற உள்ளது.
தற்போது வாரிசு படத்தின் பிரமாண்டமான விளம்பர போஸ்டர்கள் சென்னையில் உள்ள மெட்ரோ ரயில்களில் ஒட்டப்பட்டுள்ளது. இந்த பிரமோசன் வாரிசு படம் குறித்து ரசிகர்கள் மத்தியில் இன்னும் பெரிய அளவில் பரபரப்பை ஏற்படுத்தி வருகிறது. இதுகுறித்த ஒரு வீடியோவை வாரிசு படத்தை தமிழகத்தில் வெளயிடும் செவன் ஸ்கிரீன் ஸ்டுடியோ நிறுவனம் வெளியிட்டுள்ளது.
இதற்கு முன்பு ரஜினியின் கபாலி படம் விமானத்திலும், கமலின் விக்ரம் படம் ரயிலிலும் விளம்பரம் செய்யப்பட்டதை அடுத்து இப்போது விஜய்யின் வாரிசு பட விளம்பரம் மெட்ரோ ரயிலில் செய்யப்பட்டுள்ளது குறிப்பிடத்தக்கது.