தன் பிறந்தநாள் முடிந்த கையோடு மகள் ஐஸ்வர்யாவுடன் திருப்பதி ஏழுமலையானை தரிசனம் செய்திருக்கிறார் சூப்பர் ஸ்டார் ரஜினிகாந்த்.
ரஜினிகாந்த்உழைப்பால் உயர்ந்த ரஜினிகாந்த் டிசம்பர் 12ம் தேதி தனது 72வது பிறந்தநாளை கொண்டாடினார். அவருக்கு அரசியல் தலைவர்கள், திரையுலக பிரபலங்கள், ரசிகர்கள் என்று பலரும் வாழ்த்து தெரிவித்தார்கள். இதையடுத்து அவர் தன் மூத்த மகள் ஐஸ்வர்யாவுடன் திருப்பதி ஏழுமலையானை தரிசனம் செய்ய கிளம்பினார். 14ம் தேதி இரவு திருப்பதியை அடைந்த அவருக்கு தேவஸ்தான நிர்வாகிகள் மரியாதை செய்தனர்.
திருப்பதிதிருப்பதி தேவஸ்தான அறையில் தங்கிய ரஜினி இன்று காலை ஏழுமலையானை தரிசனம் செய்தார். ஏழுமலையானை தரிசித்தது மகிழ்ச்சியாக இருப்பதாக அவர் தெரிவித்தார். ரஜினி எப்பொழுதும் சந்தோஷமாகவும், நிம்மதியாகவும் இருக்க வேண்டும் என்பதே எங்களின் பிரார்த்தனை. அப்படி இருக்கும்போது தான் மகிழ்ச்சியாக இருப்பதாக தலைவர் கூறியதை கேட்கவே ரொம்ப சந்தோஷமாக இருக்கிறது என்று ரசிகர்கள் தெரிவித்துள்ளனர்.
பேரன்கள்ரஜினிகாந்த் தன் குடும்பத்தாருடன் பிறந்தநாளை கொண்டாடினார். பேரன்கள் யாத்ரா, லிங்காவுடன் ரஜினி இருக்கும் புகைப்படத்தை சமூக வலைதளங்களில் வெளியிட்டார் ஐஸ்வர்யா. அதில் மூத்த பேரனான யாத்ராவை பார்த்த ரஜினி ரசிகர்கள் கூறியதாவது, அச்சு அசலாக தலைவர் மாதிரியே இருக்கிறார் யாத்ரா. அதே முகம், அதே சிரிப்பு. யாத்ராவை ஹீரோவாக வைத்து படம் எடுக்க வேண்டிய நேரம் வந்துவிட்டது ஐஸ்வர்யா என்று கூறினார்கள்.
ஜெயிலர்கெரியரை பொறுத்தவரை நெல்சன் திலீப்குமார் இயக்கத்தில் ஜெயிலர் படத்தில் நடித்து வருகிறார். அந்த படத்தில் ரஜினி கதாபாத்திரத்தின் பெயர் முத்துவேல் பாண்டியன் ஆகும். ரஜினியின் பிறந்தநாளையொட்டி ட்ரெய்லரை வெளியிட்டனர். இதற்கிடையே டிசம்பர் 10ம் தேதி மீண்டும் ரிலீஸான பாபா படத்திற்கு அமோக வரவேற்பு கிடைத்தது. மாண்டஸ் புயலால் பெய்த மழையையும் பொருட்படுத்தாமல் ரசிகர்கள் தியேட்டர்களுக்கு படையெடுத்தார்கள்.
பாபாபாபா படத்தை தியேட்டரில் ரசிகர்களுடன் சேர்ந்து பார்த்து ரசித்தார் லதா ரஜினிகாந்த். மேலும் ரசிகர்களுடன் சேர்ந்து கேக் வெட்டி ரஜினியின் பிறந்தநாளை கொண்டாடினார். இந்த ஆண்டு ரஜினி நடிப்பில் புதுப்படம் எதுவும் ரிலீஸாகாவிட்டாலும் பாபா மீண்டும் ரிலீஸானதே ரசிகர்களுக்கு பெருமகிழ்ச்சி அளித்தது.
லால் சலாம்ஜெயிலர் தவிர்த்து தன் மகள் ஐஸ்வர்யாவின் இயக்கத்தில் லால் சலாம் படத்தில் நடிக்கிறார் ரஜினிகாந்த். லைகா நிறுவனம் தயாரிக்கும் லால் சலாம் படத்தில் விக்ராந்த், விஷ்ணு விஷால் நடிக்கிறார்கள். ரஜினி கவுரவத் தோற்றத்தில் வருகிறார். மகன்களுக்காக கெரியரில் இருந்து பிரேக் எடுத்த ஐஸ்வர்யா பல ஆண்டுகள் கழித்து இயக்கும் படம் லால் சலாம்.