விஜய் 67வது படத்தின் புதிய அப்டேட்
விஜய் நடித்துள்ள வாரிசு படத்தின் இசைவெளியீட்டு விழா வருகின்ற டிசம்பர் 24 அன்று பெரிய அளவில் நேரு ஸ்டேடியத்தில் நடக்க இருக்கிறது. சென்னையில் நடக்கும் விழா நிகழ்ச்சியை முடித்து விட்டு உடனடியாக லண்டன் கிளம்பி போகிறாராம் விஜய். குடும்பத்துடன் கிறிஸ்மஸ் & புத்தாண்டு கொண்டாட்டங்களை முடித்து விட்டு ஜனவரி முதல் வாரம் திரும்ப இருக்கிறார் விஜய் .
வந்தவுடன் சென்னையில் 7 ஸ்கிரீன் ஸ்டுடியோ லலித்குமார் புரொடக்ஷனில் லோகேஷ்கனகராஜ் இயக்க இருக்கும் விஜய் 67 படத்தின் படப்பிடிப்பு துவங்க இருக்கிறது . முதற்கட்ட படப்பிடிப்பு சென்னையில் சுமார் பத்து நாட்கள் நடக்கிறது. அதன்பின் விஜய் 67 படக்குழு காஷ்மீர், லடாக் உள்ளிட்ட பகுதிகளில் சுமார் ஐம்பது நாட்கள் படப்பிடிப்பை துவங்க இருக்கிறார்கள்.
துப்பாக்கி படத்துக்குப் பிறகு அதிகநாட்கள் வட இந்தியாவில் நடைபெறவிருக்கும் விஜய் படத்தின் ஷூட்டிங் இதுவாகத்தான் இருக்கும் என்கிறார்கள்.