பீஸ்ட் படத்தின் ரிலீசுக்கு முன்பாகவே தெலுங்கு இயக்குனர் வம்சி பைடிபல்லி இயக்கத்தில் ஸ்ரீ வெங்கடேஸ்வரா கிரியேஷன்ஸ் தயாரிப்பில்’ தளபதி 66′ படத்தில் விஜய் நடிக்கவுள்ளதாக அதிகாரப்பூர்வமான அறிவிப்பு வெளியானது. ‘பீஸ்ட்’ படம் ரசிகர்கள் மத்தியில் எதிர்பார்த்த வரவேற்பை பெறாததால், விஜய் தற்போது நடித்து முடித்துள்ள ‘வாரிசு’ படத்தை அதிகம் எதிர்பார்த்து காத்திருக்கின்றனர் ரசிகர்கள்.
‘வாரிசு’ படத்தினை தில் ராஜுவின் ஸ்ரீ வெங்கடேஸ்வரா கிரியேஷன்ஸ் நிறுவனம் தயாரித்துள்ளது. இதன் படப்பிடிப்பு சென்னை, ஐதராபாத் உள்ளிட்ட இடங்களில் நடந்து முடிந்த நிலையில் தற்போது இறுதிக்கட்ட பணிகள் விறுவிறுப்பாக நடந்து வருகிறது. இந்தப்படத்தில் சரத்குமார், பிரபு, ஷாம், ஸ்ரீகாந்த், பிரகாஷ் ராஜ் உள்ளிட்ட பல முன்னணி நட்சத்திரங்கள் விஜய்யுடன் இணைந்து நடித்து வருகின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் ‘வாரிசு’ படத்தின் முதல் சிங்கிளான ‘ரஞ்சிதமே’ பாடல் அண்மையில் வெளியானது. விவேக் எழுதிய இந்தப்பாடலை விஜய் பாடியிருந்தார். விஜய் தன்னுடைய ஸ்டைலில் செம்ம ஸ்டப் போட்டுள்ளதாக ரசிகர்கள் இந்தப்பாடலை கொண்டாடினர். யூடிப் டிரெண்டிங்கிலும் இந்தப்பாடல் முதல் இடத்தை பெற்று வருகிறது.
அதனை தொடர்ந்து ‘வாரிசு’ படத்தின் இரண்டாவது சிங்கிளாக ‘தீ தளபதி’ பாடல் வெளியானது. தமன் இசையில் சிம்பு இந்தப்பாடலை பாடியிருந்தார். ‘ரஞ்சிதமே’ பாடலை விட இந்தப்பாடல் பட்டித்தொட்டி எங்கும் பட்டையை கிளப்பியது. இந்நிலையில், தற்போது ‘வாரிசு’ படத்தின் மூன்றாவது பாடல் தற்போது வெளியாகியுள்ளது .
Kushboo: தைரியம் இருந்தா நேர்ல வா.. என் செருப்பு சைஸ் 41: நடிகை குஷ்பு ஆவேசம்.!
விவேக் எழுதியுள்ள இந்தப்பாடலை மனதை மயக்கும் குரலில் கே.எஸ்.சித்ரா பாடியுள்ளார். அம்மா செண்டிமென்ட்டில் வெளியாகியுள்ள இந்தப்பாடல் ரசிகர்களை அதிகம் கவர்ந்து வருகிறது. நீண்ட இடைவேளைக்கு பிறகு குடும்ப பாணியில் உள்ள கதையம்சத்தில் விஜய் தற்போது நடித்துள்ளார். எப்போதும் செண்டிமென்ட் காட்சிகளில் விஜய் கலக்கி விடுவார். இதனால் ‘வாரிசு’ படம் நிச்சயம் அனைவரையும் கவரும் என ரசிகர்கள் இப்போதே ஆரூடம் கூறி வருகின்றனர்.
Vijay: இயக்குனர் அட்லீ வீட்டு விசேஷம்: கையில் பரிசுடன் நேரில் வந்து வாழ்த்திய விஜய்.!
எச். வினோத் இயக்கத்தில் அஜித் நடிக்கும் ‘துணிவு’ படமும் பொங்கலுன்று வெளியாகவுள்ளது. நேர்கொண்ட பார்வை, வலிமை படங்களை தொடர்ந்து மூன்றாவது முறையாக எச். வினோத், அஜித், போனி கபூர் கூட்டணி இணைந்துள்ளது. விஜய், அஜித் படங்கள் ஒரே நாளில் ரிலீசாகவுள்ளதால் கோலிவுட் வட்டாரமே பரபரப்பில் உள்ளது குறிப்பிடத்தக்கது.