பீஸ்ட் படத்தின் தோல்விக்கு பிறகு வம்சி இயக்கத்தில் வாரிசு படத்தில் நடித்திருக்கிறார் விஜய். தில்ராஜு தயாரிக்க தமிழ், தெலுங்கு என இரண்டு மொழிகளில் படம் வெளியாகவுள்ளது. பொங்கலுக்கு படம் வெளியாகவிருக்கும் சூழலில் வாரிசுடன் அஜித் நடித்திருக்கும் துணிவு படமும் வெளியாகிறது. இதனால் விஜய், அஜித் ரசிகர்கள் மத்தியில் இப்போதே சமூக வலைதளங்களில் கருத்து மோதல் எழுந்திருக்கிறது. இதனிடையே வாரிசு படத்தில் மூன்று பாடல்கள் வெளியாகி ரசிகர்களிடையே வரவேற்பைப் பெற்றுள்ளது. இந்தச் சூழலில் படத்தின் ஆடியோ வெளியீடு நிகழ்ச்சி 24ஆம் தேதி நடக்கவிருக்கிறது. நேரு உள்விளையாட்டு அரங்கத்தில் நடக்கவிருக்கும் நிகழ்ச்சிக்காக மேடை அமைக்கும் பணி தீவிரமாக நடைபெற்றுவருகிறது.
ஆடியோ வெளியீட்டு விழாவில் விஜய்யின் பேச்சு எப்போதும் தனித்து தெரியும் என்பதால் இந்த நிகழ்ச்சியில் விஜய் என்ன பேசப்போகிறார் என்ற எதிர்பார்ப்பு அவரது ரசிகர்களிடையே எழுந்துள்ளது. குறிப்பாக பல வருடங்கள் கழித்து அஜித்துடன் களமிறங்குவதலும், விஜய்தான் நம்பர் 1 என்று தில்ராஜு கூறியிருப்பது சர்ச்சை ஆகியிருப்பதாலும் விஜய் எவ்வாறு பேசப்போகிறார் என்ற ஆவல் பலரிடம் உருவாகியுள்ளது.
All set for #Varisu Audio Launch nanba! Coming soon only on Sun TV!#VarisuAudioLaunch pic.twitter.com/5SG3A9szYr
— Sun TV (@SunTV) December 21, 2022
விஜய் ரசிகர்களும் வாரிசு படத்தின் ஆடியோ ரிலீஸுக்கு படையெடுக்க தயாரகிவருகின்றனர். இந்நிலையில் வாரிசு படத்தின் ஆடியோ ரிலீஸ் நிகழ்ச்சி குறித்த தகவல் ஒன்று வெளியாகியிருக்கிறது.
#Thaman & #Anirudh – Can’t wait for #VarisuAudioLaunch pic.twitter.com/wbTKyzYAH8
— VCD (@VCDtweets) December 21, 2022
அதன்படி, வாரிசு படத்தின் ஆடியோ ரிலீஸுக்கு டிக்கெட் ஒன்று 4000 ரூபாய்க்கு விற்கப்படவிருப்பதாக தகவல் வெளியாகி ரசிகர்களை அதிர்ச்சியடைய செய்துள்ளது. இருப்பினும் இதுகுறித்த அதிகாரப்பூர்வ அறிவிப்பு எதுவும் இதுவரை வெளியாகவில்லை என்பது குறிப்பிடத்தக்கது.